Rosenkowitz-sesling

Die geboorte van die Rosenkowitz-sesling op 11 Januarie 1974 en net 6 jaar na die eerste hartoorplanting het Suid-Afrika se naam in die wêreldgeneeskunde verder verhoog. Hulle was die eerste bekende sesling wat hul kleinkinderjare oorleef het.

GeboorteWysig

Colin Rosenkowitz (39), 'n sakeman, en Susan Scoones (25), 'n Britse immigrant en klereontwerper van beroep, het eers slegs twee kinders gehad. Na vrugbaarheidsbehandeling met die middel Gonadotropien word 'n sesling in die Mowbray-kraaminrigting ses weke te vroeg met behulp van 'n keisersnee in die wêreld gebring. Die suksesvolle geboorte is beskryf as 'n triomf vir die betrokke kinderartse, verpleegpersoneel en die mediese wetenskap in die algemeen. Hierdie geboorte het wêreldwyd opslae gemaak. Die eksklusiewe mediaregte oor die sesling is verkoop, maar het tot 'n twis gelei oor die publikasie van die storie en foto’s vir advertensiedoeleindes.

KindersWysig

Die kinders is in volgorde van hul geboorte met hul geboortegewig as volg:

  • David – 2,0 kg
  • Nicolette – 1,2 kg
  • Jason – 2,07 kg
  • Emma – 1,8 kg
  • Grant – 1,8 kg
  • Elizabeth – 1,9 kg

Meervoudige geboortesWysig

By primate is meervoudige geboortes nie algemeen nie. Hoe groter die werpsel (die aantal “kinders”), hoe seldsamer. By die mens word unieke meervoudige swangerskappe teenswoordig dikwels toegeskryf aan die gebruik van vrugbaarheidsmiddels. Die kans op die geboorte van 'n sesling by die mens word op 1 in 'n 3 miljard swangerskappe gestel.

VandagWysig

Die Rosenkowitz-kinders het by Hoërskool Herzlia in Kaapstad skoolgegaan. In 1993 het die drie meisies op 'n kibboets in Israel lgeerk. Die meeste van die kinders woon tans in die buiteland.

Lees ookWysig

Ander seslingeWysig

  • Giannini-sesling: gebore in Italië in 1980
  • Walton-sesling: gebore in Engeland in 1983
  • Dilley-sesling: gebore in die V SA in 1993
  • Hanselman-sesling: gebore in die VSA in 2004

BibliografieWysig

  • www.quintland.com