Louis de Deyster (165618 Desember 1711), ook bekend as Lodewyk Deyster, was 'n Vlaamse kunstenaar en maker van musikale instrumente. Sy barokskilderye toon die duidelike invloed van Italiaanse meesters soos Giordano, Maratta, Barocci en Suid-Nederlandse skilders soos Rubens, Van Dyck en Boekhorst. Sy dogter, Anne de Deyster, wat in 1696 gebore is, het ook 'n skilderes en maker van musikale instrumente geword.

Portret van Louis de Deyster in La Vie des peintres flamands, allemands et hollandois, avec des portraits gravés en taille-douce, une indication de leurs principaux ouvrages, & des réflexions sur leurs différentes manieres, deur Jean-Baptiste Descamps

BiografieWysig

Deyster is in 1656 in Brugge gebore. Hy was 'n student van Jan Maes, 'n gerespekteerde kunstenaar van die stad. Hy het vanaf 1682 tot 1688 in Italië gewoon en gewerk. Toe hy na sy geboortestad Brugge teruggekeer het, het hy 'n fyn ontwikkelde en flambojante Romaanse barokstyl saamgebring. Hy het 'n diep godsdienstige ingesteldheid gehad en sy karaktertrekke is weerspieël in sy keuse van onderwerpe.

Hy het verskeie skilderye vir die kerke van sy geboortestad geskilder. Sy afdrukke, almal godsdienstige onderwerpe, deel die hoë drama en energie van sy skilderye, met protagoniste wat in komplekse posisies gerangskik is. Hy het net soos sy skilderwerk, ook sy etse met vryheid en spontaneïteit aangedurf. In die Kerk van die heilige Jakobus in Brugge is daar drie skilderye deur Deyster wat die Kruisiging, die Opstanding, en die dood van die Maagd voorstel. In die Kerk van die heilige Anna, ook in Brugge, is daar 'n skilderye oor die Martelaarskap van Sint Sebastiaan.

GaleryWysig

LiteratuurWysig

  • J. L. MEULEMEESTER, Jacob van Oost de Oudere en het zeventiende-eeuwse Brugge, Brugge, 1984.
  • K. VAN DAMME, Lodewijk De Deyster, in: Nationaal Biografisch Woordenboek, Deel 13, Brussel, 1990.
  • J. L. MEULEMEESTER, Twee minder bekende schilderijen van Lodewijk de Deyster in Brugse privéverzamelingen, Brugge, 1991.
  • Lexicon van Westvlaamse beeldende kunstenaars, deel 2, Kortrijk, 1993.

BronneWysig

  • Dictionary of Painters and Engravers, Biographical and Critical Deur Michael Bryan, pp. 209–210

Eksterne skakelsWysig