Lucas Sithole
Lucas Sithole was 'n Suid-Afrikaanse kunstenaar wat op 15 November 1931 in KwaThema, Springs, gebore is. Hy het 'n jaar lank onder Cecil Skotnes aan die Polly Street Art Centre gestudeer en hom voltyds aan die beeldhoukuns gewy.
| Lucas Sithole | |
|---|---|
| Gebore | 15 November 1931 KwaThema, Springs, Transvaal, Unie van Suid-Afrika |
| Sterf | 8 Mei 1994 (op 62) Pongola, KwaZulu-Natal, Suid-Afrika |
| Nasionaliteit |  Suid-Afrika |
| Veld | Beeldhouwerk, skildery |
Lucas Sithole het in al die groot sentra in Suid-Afrika uitgestal en aan talle groeptentoonstellings deelgeneem, onder meer aan die Artists of Fame and Promise-uitstalling wat in 1960 in Johannesburg aangebied is, waar hy 'n tweede prys met sy werk verower het. Hy het ook reeds in Londen en Duitsland uitgestal en Suid-Afrika op die Venesiaanse Biënnale van 1968 verteenwoordig. Sithole se gunstelingmateriale was hardehoutsoorte, klip en vloeibare staal.
Sy gunstelingonderwerp was die mens en die dier, en veral die Afrikamens in die moderne samelewing. Sy halfabstrakte, figuratiewe werke het 'n religieuse inslag, met die mens as sentrifugale krag. Sy werk kan "Afrika-Gotiek" genoem word: hy ook klem gelê op die vertikale, en daar is dieselfde soort edelheid, kalmte en eenvoudige ritme van buitelyne as die wat in werke uit die Gotiek aangetref word. Lucas Sithole is op 8 Mei 1994 in Pongola oorlede.
Bronnelys
wysig- Wêreldspektrum, 1982, ISBN 0-908409-66-4, volume 25, bl. 125