Lyfpak

'n Lyfpak is 'n eenstuk vormgepaste kledingstuk wat betrekking het op die bolyf en die kruis, maar nie gebruik word as swemdrag nie. Die styl van 'n basiese lyfpak is soortgelyk aan 'n eenstukswempak en 'n leotard, al verskil die materiaal van die drie.

'n Vroulike weergawe van die lyfpak.

Die model Candice Swanepoel dra 'n lyfpak saam met 'n romp.

'n Lyfpak, in teenstelling met 'n swempak of leotard, het knippies, hakkies of velcro aan die kruis. 'n Lyfpak kan moue en wisselende skouerbande en kraagstyle besit. Dit word van 'n aantal materiale gemaak, insluitend katoen, kant, nylon, ens. Oor die algemeen word tekstiellyfpakke van vesel soos "spandex" gemaak om beter te pas by die vorm van die liggaam.

'n Lyfpak word gewoonlik met 'n jeans of 'n romp gedra. Die bolyfdeel kan optree as 'n top met 'n egalige lyn, want dit trek nie maklik uit die broek of romp nie. Dit kan ook as onderklere gedra word, gewoonlik deur vroue. Die doel van die opening aan die kruis is om 'n besoek aan die toilet te vergemaklik.

Verwysings

Hierdie artikel is in sy geheel of gedeeltelik vanuit die Engelse Wikipedia vertaal.