MS-DOS
MS-DOS (Engels vir Microsoft Disk Operating System) was een van die eerste bedryfstelsels vir persoonlike rekenaars.
| ||
| 'n Voorbeeld van MS-DOS se opdrag-line interface | ||
| Ontwikkelaar | ||
|---|---|---|
| Microsoft | ||
| Webblad | https://www.microsoft.com/resources/documentation/windows/xp/all/proddocs/en-us/windows_dos_overview.mspx?mfr=true | |
| Vrystellings | ||
| Aanvanklike vrystelling | Augustus 1981[1] | |
| Huidige weergawe | 8.0 (15 September 2000) | |
| Bronkodemodel | Geslote bron; bron beskikbaar vir verkose weergawes sedert 2014[2][3][4] | |
| Lisensie | Eiendoms sagteware | |
| Kerntipe | Monolities | |
| Opdateermetode | Geen | |
| Platforms wat ondersteun word | x86 | |
| Ondersteuningstatus | ||
| Nie ondersteun nie, vanaf 31 Desember 2001[5] | ||
| Verdere leesstof | ||
Geskiedenis
wysigToe IBM sy IBM-PC ontwikkel het sou hulle aanvanklik hul eie bedryfstelsel geskryf het, terwyl die BASIC-interpreteerder deur Microsoft voorsien sou word. Toe hulle eie bedryfstelsel egter nie vlot nie, wend IBM hulself tot Microsoft en sluit 'n kontrak om die bedryfstelsel te ontwikkel. Bill Gates besluit om nie van nuuts af te begin nie, maar soek na 'n geskikte produk wat verder aangepas kan word.
Microsoft koop uiteindelik QDOS (SPC se Quick and Dirty Operating System wat van CP/M afgelei is), waarvoor Microsoft 'n bedrag van 50 000 dollar betaal. Microsoft pas die bedryfstelsel volgens IBM se spesifikasies aan, waarna die produk deur IBM as PC-DOS verkoop word.
In die kontrak met IBM staan egter dat Microsoft ook self die produk aan derde partye mag verkoop. Microsoft doen hierdie onder die naam MS-DOS. Toe PC-klone wat op die IBM-PC gebaseer is op die mark kom, word MS-DOS gou populêr en begin Bill Gates stadig maar seker om sy fortuin op te bou.
MS-DOS in Windows
wysigWindows 95, Windows 98 en Windows ME maak van MS-DOS gebruik om te begin (die BOOT-proses), waarna die grafiese laag beheer oorneem. MS-DOS is nie 'n multitaak bedryfstelsel nie, wat beteken dat slegs 'n enkele program op 'n slag kan loop. Deur die gebruik van virtuele verwerkers (in praktyk die V86-modus van die 80386-verwerker en hoër) is dit egter moontlik om verskillende MS-DOS-programme gelyktydig in hul eie virtuele rekenaars te loop. Hierdie metode is egter problematies omdat baie MS-DOS-programme die rekenaarhardeware direk wil aanspreek. 'n Gevorderde bedryfstelsel kan dit toelaat, maar stabiliteit word ingeboet.
Tensy 'n drywer 'n funksie virtualiseer, laat Windows 3.x en 9x direkte kommunikasie met die hardeware toe. Die Windows NT-bedryfstelsels laat dit egter glad nie toe nie.
Weergawes van MS-DOS
wysig| Datum | Weergawe | Veranderinge |
|---|---|---|
| Augustus 1981 | 1.0 | Inbring van die autoexec.bat lêer |
| Maart 1982 | 1.1 | Kan die datum en tyd vanaf die bevellyn wysig Ondersteun dubbelkant diskette |
| Maart 1982 | 1.25 | Eerste OEM-weergawe Nuwe opdrag: VERIFY |
| Maart 1982 | 2.0 | Ondersteun hardeskywe Kan lêers tegelyk oopmaak Printerbuffer ingevoer Bekendstelling van die ANSI-drywer |
| Oktober 1983 | 2.1 | |
| Augustus 1984 | 3.0 | Ondersteun netwerke |
| Maart 1985 | 3.1 | |
| Desember 1985 | 3.2 | |
| April 1987 | 3.3 | Ondersteun NLSFUNC en FASTOPEN Ondersteun hardeskywe groter as 32 megagrepe |
| Junie 1988 | 4.0 | DOSSHELL word bekendgestel |
| Junie 1991 | 5.0 | QBASIC, EDIT, UNDELETE, UNFORMAT en MIRROR Optimale gebruik van geheue |
| Augustus 1993 | 6.0 | Doublespace en Defrag 'n Antivirus program word ingesluit |
| 1993 | 6.1 | |
| 1993 | 6.2 | |
| 1993 | 6.21 | |
| 1994 | 6.22 | DriveSpace i.p.v. DoubleSpace Scandisk bekendgestel |
| 1995 | 7.0 | Uitgegee saam met Windows 95 Die rekenaar word opgebring met MS-DOS "verborge" in Windows Lang lêername vir Windows 95 (nie in MS-DOS-modus nie) |
| 1997 | 7.1 | Uitgegee met Windows 95 OSR2 en Windows 98 Nuwe FAT32 lêersisteem |
| 2000 | 8.0 | Uitgegee met Windows ME Geen SYS-bevel meer nie Kan nie rekenaar na bevellyn opbring nie |
Laaste weergawe
wysigDie ontwikkeling van MS-DOS is lankal reeds gestaak. Die laaste alleenstaande weergawe was weergawe 6.22. Vanaf weergawe 7.0 is MS-DOS nie meer 'n losstaande bedryfstelsel nie, maar is regstreeks in Windows geïntegreer. MS-DOS is nog redelik sigbaar in Windows 95 en 98, maar in Windows ME is al die spore daarvan uitgewis.
Sien ook
wysigVerwysings
wysig- ↑ "MS-DOS: A Brief Introduction". The Linux Information Project (in Engels). Geargiveer vanaf die oorspronklike op 16 November 2019. Besoek op 24 Desember 2012.
- ↑ Paterson, Tim (19 Desember 2013) [1983]. "Microsoft DOS V1.1 and V2.0: /msdos/v11source/MSDOS.ASM" (in Engels). Computer History Museum, Microsoft. Geargiveer vanaf die oorspronklike op 14 Augustus 2019. Besoek op 25 Maart 2014.
- ↑ Shustek, Len (24 Maart 2014). "Microsoft MS-DOS early source code". Software Gems: The Computer History Museum Historical Source Code Series (in Engels). Geargiveer vanaf die oorspronklike op 10 Augustus 2019. Besoek op 29 Maart 2014.
- ↑ (en) Levin, Roy (25 Maart 2014). "Microsoft makes source code for MS-DOS and Word for Windows available to public". Official Microsoft Blog. Besoek op 29 Maart 2014.
- ↑ "Obsolete Products Life-Cycle Policy" (in Engels). Microsoft. 30 Julie 2009. Geargiveer vanaf die oorspronklike op 8 April 2020. Besoek op 6 April 2010.
Eksterne skakels
wysig| Wikimedia Commons bevat media in verband met MS-DOS. |
Official site project MS-DOS 6.22 FOR WINDOWS:
http://xn----htbwkmd.xn--p1ai/