Maak hoofkeuseskerm oop
Unbalanced scales.svg Die neutraliteit van hierdie artikel (of dele daarvan) word tans betwis.
Wikipedia se beleid is dat alle artikels vanuit ’n neutrale standpunt geskryf moet wees. Sien die besprekingsbladsy vir besonderhede of ons riglyne wat kan help om die artikel meer onpartydig te maak.

William Henry "Bill" Gates III (gebore 28 Oktober 1955 in Seattle, Washington) is 'n sakebestuurder en stigter van Microsoft.[1]

Bill Gates
’n Beeld van die betrokke persoonlikheid.
Bill Gates in 2018

Geboortenaam William Henry Gates III
Gebore 28 Oktober 1955
Seattle, Washington
Nasionaliteit Vlag van Verenigde State van Amerika Verenigde State
Ouers William H. Gates, sr.
Mary Maxwell Gates
Beroep Tegnologie adviseur van Microsoft
Mede-voorsitter van die Bill & Melinda Gates Foundation
Uitvoerende hoof van Cascade Investment
Voorsitter van Corbis
Religie Rooms-Katolieke Kerk
Huweliksmaat Melinda Gates (1994–hede)
Kind(ers) Jennifer, Rory en Phoebe
Webblad gatesnotes.com
Handtekening Bill Gates signature.svg

Inhoud

Vroeë leweWysig

William Henry Gates III is op 28 Oktober 1955 in Seattle (Washington) gebore as die seun van 'n prokureur en voormalige onderwyseres. Hy het onderrig ontvang by Lakeside Hoërskool, 'n eksklusiewe privaatskool vir leerlinge met 'n sterk akademiese aanleg. Daar het hy vir Paul Allen ontmoet wat later saam met hom Microsoft sou stig.

In 1967 het Gates totaal verdiep geraak in 'n digitale opleidingsterminaal wat deur die Lakeside Mother Club met die opbrengs van 'n rommelverkoping aangekoop is. Gates en sy vriende was deur hierdie nuwe wêreld van rekenaars geboei en het 'n plaaslike rekenaarmaatskappy oorreed om hulle toegang tot die nuwe PDP-10, 'n nuwe minirekenaar, te gee.

Daar het hulle programmeertale soos BASIC, FORTRAN en LISP aangeleer. Gates, Allen en twee ander vriende het die Lakeside Programmers' Group begin, wat betaalstaatprogram geskryf het vir 'n plaaslike besigheid. In 1972 het Gates en Allen Traf-O-Data gestig, 'n maatskappy wat gerekenariseerde motortelmasjiene aan plaaslike regerings verskaf het. In 1973 het Gates by Harvard-universiteit as 'n regstudent begin. Gedurende hierdie tyd is die eerste persoonlike rekenaar, die MITS Altair, bekend gestel en het die behoefte aan 'n gekondenseerde bedryfstelseltaal vir persoonlike rekenaars ontstaan. Gates en Allen het die uitdaging aanvaar en BASIC, 'n gewilde taal wat op rekenaars gebruik word, aangepas om die eerste sagteware vir persoonlike rekenaars te skep.

MicrosoftWysig

In 1975 het Bill Gates Harvard-universiteit op 19 verlaat en Microsoft Corporation maatskappy gestig saam met Allen, die wêreld se grootste sagtewaremaatskappy vir persoonlike rekenaars.[2]

In 1977 het Tandy Corporation vir Microsoft gehuur om sagteware vir sy Radio Shack rekenaars te ontwikkel en drie jaar later het International Business Machines Corporation (IBM) Microsoft gevra om 'n bedryfstelsel vir sy nuwe persoonlike rekenaars te verskaf. Microsoft het ook die hoofverskaffer van sagteware aan Apple Macintosh geword met die bekendstelling van die woordverwerkingsprogram Microsoft Word.

Op 13 Maart 1986 het Microsoft Corporation op die aandelebeurs genoteer en binne 'n jaar het Microsoft aandele tot $90 elk toegeneem. Op die ouderdom van 31 het Gates, wat 45 persent van die Microsoft aandele besit, die jongste miljardêr ooit geword.

Persoonlike leweWysig

Op Nuwejaarsdag 1994, op die ouderdom van 38, is Gates in Hawaii getroud met een van Microsoft se bemarkingsbestuurders, Melinda French. Hulle het twee kinders, Jennifer Katharine, gebore in 1996, en Rory John, gebore in 1999. Hulle het die Bill & Melinda Gates Foundation geskep vir die ondersteuning van filantropiese inisiatiewe in die veld van gesondheid en onderrig. 'n Nuwe $5 miljard-skenking in Januarie 2000 het dit die rykste stigting ter wêreld gemaak. Gates het ook persoonlike beleggings in ander hoëtegnologiemaatskappye.

Belangrikste prestasiesWysig

Microsoft se sukses het Gates een van die twintigste eeu se invloedrykste figure en die rykste man in die wêreld gemaak. In 1992 het Gates die Nasionale Medalje vir Tegnologie van President George Bush ontvang.

BoekeWysig

Gates het twee boeke geskryf:

  • The Road Ahead, geskryf saam met Nathan Myhrvold en Peter Rinearson. November 1995.
  • Business @ the Speed of Thought 1999.

VerwysingsWysig

  1. Bill Gates (American computer programmer, businessman, and philanthropist). URL besoek op Maart 20, 2013.
  2. Sheridan, Patrick (Mei 2, 2014). "Bill Gates no longer Microsoft's biggest shareholder". CNN Money. Geargiveer vanaf die oorspronklike op Augustus 20, 2014. Besoek op Augustus 22, 2014. 

Eksterne skakelsWysig