Maas (suiwelproduk)
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Maas (amasie) is ‘n tradisionele gereg in die Nguni-kultuur. Dit word gemaak van dikmelk en sorghum (Sorghum bicolor) of mielies. Hierdie mengsel is met doppies en al gekook waarna die doppies met ‘n ronde klip op ‘n ander klip fyngestamp is. Teenswoordig word die woord maas soms slegs as sinoniem vir die tradisionele dikmelk (wat lyk op maaskaas) gebruik. Die dikmelk word gemaak deur beesmelk in ‘n kalbas te laat gis. Die verdikte melk is dan die maas wat dan soms so skoon gedrink word of met pap. Maas is teenswoordig in winkels te koop.
Die Nguni-volkere glo dat maas so ‘n besondere voedsel is dat dit ‘n mens sterk en gesond maak. Vars beesmelk word selde in hierdie kultuur gebruik, omdat mense dikwels laktose-onverdraagsaam is. In die Nguni-samelewing gebruik niemand dikmelk in die stat van persone wat nie aan hom verwant is nie. Wanneer mense op een of ander tyd as onrein beskou word, soos gedurende maandstonde, na ‘n bevalling of ‘n begrafnis, mag hulle nie dikmelk gebruik nie.
Maas het gelei tot die uitbraak van listeriose.
Bibliografie
wysig- Bruwer, J.P.: Die Bantoe van Suid-Afrika. Johannesburg: Afrikaanse Pers-boekhandel, 1963.
- Theunissen, M.W.: Na die land van Dingaan. Stellenbosch: C.S.V.-boekhandel, 1950.