Maaskaas
Maaskaas is ’n vars kaas wat van wrongel gemaak word en ’n matige smaak het. Dit het vermoedelik ontstaan toe mense dit tuis gemaak het van oorskietdikmelk ná die maak van botter.
| Maaskaas | ||
| ||
| ’n Bakkie maaskaas. | ||
| Eienskappe | ||
| Tekstuur | Romerig | |
| Veroudering | Nee | |
| Voedingswaarde (per 100 g) | ||
| Vetinhoud | 4,3 g | |
| Proteïen | 11,12 g | |
| Koolhidrate | 3,38 g | |
| Energie | 412 kJ | |
Vervaardiging
wysigMaaskaas word gedreineer, maar nie gepers nie; van die vloeistof (wei) bly dus agter en die individuele stukke wrongel (gestremde melk) bly los van mekaar. Die wrongel word gewoonlik gewas om surigheid te verwyder, wat ’n soet wrongelkaas tot gevolg het. Dit word nie verouder of gekleur nie. Verskeie soorte maaskaas word vervaardig na gelang van die vetinhoud van die melk en die grootte van die stukke wrongel. Maaskaas kan ook gepers word om ander soorte kaas te maak.
Wrongel
wysigTwee hoofsoorte maaskaas is dié met klein stukke wrongel, ’n hoë suurinhoud en sonder stremsel; en dié met groot stukke wrongel, stremsel en ’n lae suurinhoud. Stremsel is ’n preparaat uit die maag van sekere diere wat help om die melk te strem (suur te laat word) en keer dat die stukke wrongel opbreek. Die byvoeging van stremsel versnel die vervaardigingsproses, wat lei tot ’n laer suurinhoud en groter stukke wrongel. Minder wrongel word ook saam met die wei afgegooi.[1]
Verbruik
wysigMaaskaas kan op verskillende maniere geëet word: alleen, met vrugte en suiker, met sout en peper, met vrugtepuree, op roosterbrood, met tamaties, in slaaie, as ’n doopsous, as ’n plaasvervanger vir mayonnaise of as ’n bestanddeel in nagereg. Dit kan ook in pastageregte gebruik word in die plek van ricotta. Maaskaas met min of geen vet word ook vervaardig.
Die kaas is gewild onder mense wat gesond eet of ’n dieet volg, asook onder sportlui vanweë die hoë inhoud van kaseïenproteïen (wat langer hou) en relatief lae vetinhoud. Anders as sommige ander kaassoorte is maaskaas ook veilig om te eet tydens swangerskap.[2]
Verwysings
wysig- ↑ "Making Cottage Cheese at Home". United States Department of Agriculture Home and Garden Bulletin Number 129. 1975. Geargiveer vanaf die oorspronklike (PDF) op 23 Desember 2014. Besoek op 22 Julie 2007.
- ↑ "Eating cheese during pregnancy" (in Engels). Geargiveer vanaf die oorspronklike op 29 November 2012. Besoek op 18 Oktober 2009.
Eksterne skakels
wysig- Making Cottage Cheese At Home Geargiveer 23 Desember 2014 op Wayback Machine
Wikimedia Commons het meer media in die kategorie Maaskaas.
Hierdie artikel is vertaal uit die Engelse Wikipedia
