Mac-Macwaterval
Die Mac-Macwaterval is in die Mac-Macrivier in Mpumalanga, Suid-Afrika, geleë. Die waterval is 65 m hoog en welbekend omrede dit gedeeltelik vanaf die R532-pad tussen Sabie en Graskop sigbaar is.
Ligging van die Mac-Macwaterval in Mpumalanga.
Tans is daar twee valle langs mekaar, maar oorspronklik was dit slegs een waterval. Dit is in 1873 in twee geskeur deur die skietwerk van 'n delwer.[1]