Sabie
Sabie is 'n bosboudorp geleë aan die oewers van die Sabierivier in Mpumalanga, Suid-Afrika. Die Sabierivier was eens op 'n tyd vol krokodille en daarom het die Sjangaan-stam die rivier uluSaba (rivier van vrees) gedoop. Die dorp is gestig nadat HT Glynn en JC Ingle goud hier ontdek het en die Glynns-Lydenburg Gold Mining Company gestig het.
Sabie | |
|---|---|
 Sabie se hoofstraat | |
  Sabie Sabie se ligging in Mpumalanga | |
| Koördinate: 25°05′52″S 30°46′45″O / 25.09778°S 30.77917°O | |
| Land |  Suid-Afrika |
| Provinsie | Mpumalanga |
| Distrik | Ehlanzeni |
| Munisipaliteit | Thaba Chweu |
| Oppervlak | |
| • Totaal | 55,03 km2 (21,25 vk. myl) |
| Hoogte | 1 066 m (3 497 ft) |
| Bevolking (2011)[1] | |
| • Totaal | 9 148 |
| • Digtheid | 166/km2 (430/vk. myl) |
| Rasverdeling (2011) | |
| • Wit mense | 30.1% |
| • Indiërs/Asiërs | 0.5% |
| • Bruin mense | 8.0% |
| • Swart mense | 60.8% |
| • Ander | 0.6% |
| Taal (2011) | |
| • Afrikaans | 33.4% |
| • Swazi | 23.9% |
| • Sotho | 14.5% |
| • Engels | 10.4% |
| • Ander | 17,8% |
| Poskode (strate) | 1260 |
| Poskode (posbusse) | 1260 |
| Skakelkode | 013 |
Dit is 360 km oos van Johannesburg en sowat 64 km wes van die gewilde Krugerwildtuin geleë en is 'n baie gewilde toeristebestemming.
Die belangrikste nywerheid is bosbou. Die plantasies rondom Sabie vorm een van die wêreld se grootste mensgemaakte woude.
Die dorp is sowat 1000 meter bo seevlak en val in die somerreënvalgebied. Die bekende Long Tompas begin net buite Sabie en verbind dié dorp met Lydenburg.
Bergfietsry
wysigSabie het uiters gewild geword onder die bergfietsryers. Daar is etlike jaarlikse wedrenne en meerdaagse wedrenne wat in die omgewing plaasvind. Die Sabie Experience is 'n vierdaagse bergfietstoer wat beperk word tot 250 spanne, dit vind elke jaar gedurende Desembermaand plaas. Die Sabie Classic is ook 'n bekende wedren wat jaarliks plaasvind. Die Suid-Afrikaanse veldwedren (olimpiese formaat-kampioenskap) word ook gereeld in die Sabie-omgewing gehou.
Watervalle
wysigDaar is etlike watervalle in die Sabie omgewing. Die bekendes is: Berlynwaterval, Bruidsluierwaterval, Forestwaterval, Lisbonwaterval, Mac-Macwaterval, Lone Creekwaterval, Perdeskoenwaterval, Sabiewaterval en Maria Shireswaterval.
Sien ook
wysigBronne
wysigVerwysings
wysig- ↑ 1,0 1,1 1,2 1,3 "Hoofplek Sabie". Sensus 2011.