Sabierivier

Die Sabierivier vloei in Mpumalanga, Suid-Afrika en in Mosambiek. Die rivier ontspring in 'n klomp stroompies op die oostelike hang van die Mauchsberg en op die eskarp van die Drakensberg tussen Lydenburg en Sabie. By Sabie gaan die rivier oor die Sabiewaterval en deur 'n diep ravyn. Hierna vloei dit deur die benede-Laeveld voordat die Sandrivier noordoos van Skukuza by die Sabie aansluit om verder stroomaf na Mosambiek te vloei waar dit by die Komatirivier aansluit op pad na die Indiese Oseaan toe.

Sabierivier
Die Sabierivier oos van Skukuza. Die Sabierivier oos van Skukuza.
Stroomgebied	Suid-Afrika, Mosambiek
Oorsprong	Lydenburg, Mpumalanga
Monding	Komatirivier, Mosambiek
Oorsprong-hoogte	1 100 m (3 609 voet)
Sabierivier
Koördinate: 25°1′19″S 31°10′37″O

Die naam van die rivier is afgelei van die Sjangaanwoord uluSaba wat 'gevreesde rivier' beteken na aanleiding van die baie krokodille wat eens in die rivier gewoon het.

Sytakke

Die rivier het etlike sytakke insluitend:

• Bejanispruit
• Klein-Sabierivier
• Langspruit
• Lubyelubye (by Onder-Sabie in wildtuin)
• Mac-Macrivier
• Malieveldspruit
• Mariterivier
• Motitsirivier
• Mhlambanyathirivier‎ (in Krugerwildtuin)
• Ngwaritsanarivier

• Ngwenyamenirivier
• Noord-Sandrivier
• N'waswitshakarivier‎ (by Skukuza)
• N'watindlopfuspruit‎ (in Krugerwildtuin)
• Nwatinwambuspruit (in Krugerwildtuin)
• Phabenirivier
• Sabaanrivier
• Salitjespruit
• Sandrivier (in Krugerwildtuin)
• Saringwarivier

Net oos van die Lebomboberge is die Corumanadam in Maputoprovinsie, Mosambiek, die grootste opgaardam in die Sabie

Oorsprong

• Long Tompas by 25.1506778°S 30.6245813°O / -25.1506778; 30.6245813

Monding

•  Mosambiek by 25.32999°S 32.29678°O / -25.32999; 32.29678

Vislewe

Die Laeveld-kurper (Serranochromis meridianus) kom in die rivier voor.

Bron

• Op Pad in Suid-Afrika. B.P.J. Erasmus. 1995 ISBN 1-86842-026-4