Magister artium
'n Magister artium (afgekort tot MA) is 'n persoon wat toegelaat is tot 'n meestersgraad wat deur universiteite in verskeie lande toegeken word. Die meestersgraad op sigself word in omgangstaal ook na verwys as magister artium. Magister artium kan vergelyk word met magister scientiae. Diegene wat tot die graad van magister artium toegelaat word, studeer gewoonlik linguistiek, geskiedenis, kommunikasie, diplomatiek, openbare administrasie, politieke wetenskap, of ander vakgebiede binne die omvang van die geestes- en sosiale wetenskappe. Elke universiteit het egter sy eie konvensies en mag die graad ook toeken in die velde van natuurwetenskappe en wiskunde. Die graad word toegeken in verband met die voltooiing van kursusse en die slaag van eksamens, navorsing, of 'n kombinasie van beide.
