Magnus Carlsen
Sven Magnus Øen Carlsen (gebore op 30 November 1990) is 'n Noorse skaakspeler en die huidige wêreldkampioen. Sy beste gradering van 2882, wat hy in 2014 bereik het, is die hoogste in die geskiedenis van skaak. Carlsen het die wêreldkampioenskap in 2013, 2014, 2016 en 2018 gewen.
| Magnus Carlsen | |
| |
| Naam | Sven Magnus Øen Carlsen |
|---|---|
| Geboorte | 30 November 1990 Tønsberg, Vestfold, Noorweë |
| Nasionaliteit(e) |  Noorweë
|
| Titel | Grootmeester 2004 |
| FIDE rang | No. 1 (November 2018) |
| Beste gradering | 2882 (Mei 2014) |
| Wêreldkampioen | 2013–nou |
Kinderdae
wysigCarlsen is op 30 November 1990 in Tønsberg, Noorweë, gebore. Sy moeder was Sigrun Øen, 'n chemiese ingenieur, en sy vader Henrik Albert Carlsen, 'n IT-konsultant.[1]
Hy het drie susters, en in 2010 het hy gesê dat een van die dinge wat hom gemotiveer het om skaakspeel ernstig te beoefen, die begeerte was om sy oudste suster te kon klop.[2] As skaakwonderkind het hy in 2002 gelykgespeel vir eerste plek in die Wêreld-onder-12 skaakkampioenskap.
Carlsen was bekend vir sy aanvallende styl as 'n tiener, maar het sedertdien tot 'n universele speler ontwikkel. Hy gebruik 'n verskeidenheid openings om dit vir sy teenstanders moeiliker te maak om voor te berei en ook die effek van rekenaaranalise te verminder.
Wêreldkampioen
wysigHy het in 2013 die wêreldkampioen geword nadat hy Viswanathan Anand verslaan het. In 2014 het hy Anand weer verslaan, en ook die jaar se blitsskaak-wêreldkampioenskap gewen. In 2016 het hy sy titel teen Sergey Karjakin verdedig. In 2018 het hy Fabiano Caruana geklop.
Boeke en films
wysig- Valaker, O; Carlsen, M. (2004). Lær sjakk med Magnus [Learn Chess with Magnus]. Gyldendal Norsk Forlag. ISBN 978-82-05-33963-7.
- The Prince of Chess, a film about Magnus Carlsen (2005). Directed by Øyvind Asbjørnsen.[3]
- Opedal, Hallgeir (2011). Smarte trekk. Magnus Carlsen: Verdens beste sjakkspiller [Smart Moves. Magnus Carlsen: The World's Best Chess Player]. Kagge. ISBN 978-82-489-1050-3
- Mikhalchishin, Adrian; Stetsko, Oleg. (2012). Fighting Chess with Magnus Carlsen (Progress in Chess). Edition Olms. ISBN 978-3-283-01020-1.
- Crouch, Colin (2013). Magnus Force: How Carlsen Beat Kasparov's Record. Everyman Chess. ISBN 978-1-78194-133-1.
- Kotronias, Vassilios & Logothetis, Sotiris (2013). Carlsen's assault on the throne. Quality Chess. ISBN 978-1-906552-22-0.
- Magnus (2016). Directed by Benjamin Ree.[4][5]
Verwysings
wysig- ↑ McClain, Dylan Loeb (2008). "Magnus Carlsen, chess prodigy from Norway". The New York Times (in Engels). Geargiveer vanaf die oorspronklike op 3 Desember 2013. Besoek op 26 September 2019.
- ↑ Davidson, Max (2 Desember 2010). "My perfect weekend: Magnus Carlsen". The Telegraph (in Engels). Geargiveer vanaf die oorspronklike op 30 Oktober 2019.
- ↑ The Prince of Chess op IMDb
- ↑ Magnus op IMDb
- ↑ "Magnus – the chess movie". Chess News (in Engels (VSA)). 29 Maart 2016. Geargiveer vanaf die oorspronklike op 4 Maart 2020. Besoek op 1 Mei 2016.