Man van Tollund
Die Man van Tollund (Deens: Tollundmanden) is ’n veenlyk wat in 1950 naby Silkeborg in Denemarke gevind is. Die liggaam het so goed bewaar gebly dat dit aanvanklik aangesien is vir ’n vars lyk. Twaalf jaar voor dié vonds is nog ’n veenlyk, die Meisie van Elling, is dieselfde veen ontdek.[1]
Vonds
wysigOp 6 Mei 1950, terwyl die familie Højgaard van die dorpie Tollund die veen bewerk het, het hulle die lyk ontdek. Eers is gemeen dis die lyk van ’n jong man wat kort tevore dood is en die polisie is laat kom. Hulle het ’n argeoloog ontbied in ’n poging om die moord op te los, en hy het vasgestel die lyk is 2 300 tot 2 400 jaar oud.[2]
Uit radiokoolstofdatering het geblyk die Man van Tollund is in 350 v.C. dood. Hy was toe sowat 30 tot 40 jaar oud. ’n Deel van die tou waarmee hy doodgemaak is, was nog om sy nek. Ondersoekers het gou vermoed die man is opgehang en nie verwurg nie, onder meer oor die manier waarop die tou om sy nek aangebring is. In die vel onder die ken is ook afdrukke van die tou gevind, maar geen afdruk van die tou se knoop aan die agterkant van die nek nie. Die man se tong was ook geswel, ’n teken dat hy gehang is[3]
Daar word vermoed die man is opgehang as offer aan die gode – veral omdat hy versigtig in ’n fetusposisie in die veen neergelê is.
Die Man van Tollund is tans in ’n museum in Silkeborg. ’n Replika is te sien in ’n museum in Drenthe, Nederland.
Verwysings
wysig- ↑ Archaeological Institute of America: Violence in the Bogs
- ↑ (en) http://www.tollundman.dk/et-lig-dukker-op.asp Geargiveer 9 Desember 2013 op Wayback Machine
- ↑ (en) http://www.tollundman.dk/haengning.asp Geargiveer 19 Julie 2011 op Wayback Machine
- Christian Fischer: De man van Tollund en het meisje van Elling. Silkeborg Museum ca. 1985
Wikimedia Commons het meer media in die kategorie Man van Tollund.
Hierdie artikel is vertaal uit die Nederlandse Wikipedia
