Mandaryns
Mandaryns (Vereenvoudigde Chinees: 官话, Tradisionele Chinees: 官話, pinyin: Guānhuà, letterlik: "taal van die beamptes"), ook Hoog-Chinees of Mandaryn-Chinees genoem, is 'n groep van verwante variëteite van Chinees wat in die meeste van die noorde en die suidweste van China gepraat word.
| Mandaryns 官話/官话, Guānhuà 北方話/北方话, Běifānghuà | ||
|---|---|---|
| Gepraat in: |  Volksrepubliek China Republiek van China Singapoer Indonesië Maleisië
| |
| Gebied: | Die meeste van die noorde en suidweste van China | |
| Totale sprekers: | Moedertaal: 920 miljoen (2017)[1][2][3] L2 sprekers: 200 miljoen | |
| Rang: | 1 | |
| Taalfamilie: | Sino-Tibettaans Chinees Mandaryns | |
| Skrifstelsel: | Vereenvoudigde Chinese karakters Tradisionele Chinese karakters Cyrilliese alfabet | |
| Amptelike status | ||
| Amptelike taal in: | Volksrepubliek China Hongkong Macau Republiek van China Singapoer Verenigde Nasies
| |
| Gereguleer deur: | sien Chinees | |
| Taalkodes | ||
| ISO 639-1: | zh | |
| ISO 639-2: | chi/zho | |
| ISO 639-3: | cmn | |
| ||
| Nota: Hierdie bladsy kan IFA fonetiese simbole in Unicode bevat. | ||
.svg)
Omdat die meeste Mandarynsdialekte in die noorde gepraat word, word die groep ook Noordelike dialekte (北方话, běifānghuà) genoem. Indien die Mandarynsgroep as een taal gereken word, soos dikwels in akademiese literatuur, het dit meer moedertaalsprekers (byna 'n miljard) as enige ander taal ter wêreld. Soms word die Jin-dialek by Mandaryns ingereken.
Mandaryns is die amptelike taal van die Volksrepubliek China en die Republiek China, een van die amptelike tale van Hongkong (saam met Engels en Kantonees), Macau (saam met Kantonees en Portugees) en Singapoer (saam met Engels, Maleis en Tamil). Daarbenewens vorm Mandaryns saam met Arabies, Engels, Frans, Russies en Spaans die amptelike tale van die Verenigde Nasies.
Mandaryns word met Chinese karakters geskryf.
Verwysings
wysig- ↑ "Världens 100 största språk 2010". Nationalencyklopedin (in Sweeds). 2010. Geargiveer vanaf die oorspronklike op 6 Oktober 2014. Besoek op 12 Februarie 2014.
- ↑ "Ethnologue: Languages of the World, Seventeenth edition, Chinese, Mandarin" (in Engels). Ethnologue. Geargiveer vanaf die oorspronklike op 21 Mei 2020. Besoek op 17 September 2016.
- ↑ (en) aboutworldlanguages.com: Mandarin (Chinese)
Eksterne skakels
wysig
Wikimedia Commons het meer media in die kategorie Mandaryns.
Wikiwoordeboek het 'n inskrywing vir Mandaryns.- (en) "Mandarin language". Encyclopædia Britannica. Besoek op 7 Mei 2020.
