Mapungubwe-museum

Mapungubwe-museum
Die museum word gehuisves in die Ou Kunsgebou (Universiteit van Pretoria).
Plek	Pretoria
Land	Suid-Afrika
Webtuiste	Mapungubwe Collection

Die Mapungubwe-museum by die Universiteit van Pretoria huisves die nasionale skatte van Mapungubwe, Suid-Afrika. Mapungubwe is ’n 13de-eeuse argeologiese terrein in die Limpopovallei en is as wêrelderfenisgebied verklaar. Goue ornamente, ivoor, been, Sjinese porseleinware, kleifiguurtjies, kralewerk, yster en koper is enkele van die 166 000 artefakte uit die Mapungubwe-argeologiese uitgrawings wat permanent hier uitgestal word.

Mapungubweberg, plek van die argeologiese uitgrawings, uit die noorde gesien.

’n Illustrasie van 'n goue renosterbeeldjie in die Mapungubwe-museum.

Die Universiteit van Pretoria is die bewaarder en eienaar van hierdie pragtige argeologiese versameling sedert sy ontdekking in 1933, en die museum is in Junie 2000 geopen. Hierdie unieke argeologiese museum dien as sentrum vir opvoedkundige, toerisme-, opleidings-, akademiese en navorsingdoeleindes. Dit weerspieël die kulturele betekenis en diversiteit van ’n vroeë Afrika-handelskoninkryk. Die Mapungubwe-versameling word al ses dekades lank hooggeag vir sy argeologiese uniekheid, kulturele rykdom en historiese belang.

’n Deel van die versameling word tans aan die Mapungubwe Interpretation Center in Mapungubwe geleen.

Eksterne skakels

• Wikimedia Commons het meer media in die kategorie Mapungubwe-museum.
• (en) Mapungubwe Collection^{[dooie skakel]}