Mariagerfjord is met sy ongeveer 35 km (42 km stroomkanaal) die langste fjord in Denemarke. Die breedte van die Mariagerfjord wissel tussen 4½ km by sy breedste punt en 250 meter by Hadsund. Die fjord beslaan 'n gebied van ongeveer 47 km² en 'n diepte van tot 30 meter. Die fjord vorm die suidgrens van Himmerland en noordgrens van Kronjylland.

Mariagerfjord vanuit die suide gesien
In die winter is Mariagerfjord 'n verblyf vir baie voëls
Kaart van Mariagerfjord

Daar word op geologiese grondslag geskat dat die fjord reeds lank voor die Ystydperk gevorm is. Tydens en ná die Ystydperk het die gletserys en smeltwater saam met die veranderinge in seevlak die fjord gevorm. Voorheen is geglo dat die fjord 'n tonneldal was. Omrede Deens enige inham 'n fjord noem, selfs strandmere, is bedink dat Mariagerfjord nie 'n werklike fjord nie, maar 'n inham is wat lyk op die förd-soort (gevorm deur afloopwater onder die yslaag; dus, 'n tonneldal).

Die Mariagerfjord is dieper op land en vlakker by die seemonding - 'n sogenaamde drempelfjord. Dit bring mee dat die binneste deel van die fjord na die bekken se kant beperkte wateruitwisseling het. Party somers het dit 'n suurstoftekort in die water en visvrektes tot gevolg.

Aan die eindpunt van die fjord kry mens Hobro, 'n bietjie meer ooswaarts aan die suidekant Mariager en baie verder aan - so 10 km vanaf die opening na Aalborgbaai - lê Hadsund, waar 'n brug die twee fjordwalle verbind. Al drie die dorpe het tydens die ontwikkeling van nywerhede 'n ekonomie gehad wat gegrond was op gemaklike water- en spoorvervoer.

Aan die suidekant van die fjordmonding het Overgård Gods, in Flemming Juncker se besit, groot grondgebied ingedam, wat vir landbou gebruik is. Daar is gesê dat die drooglegging van 1 700 tønder land 'n aansienlike uitwerking op die fjordomgewing moes gehad het. Een tønde land is ongeveer 0,5 hektaar, so 1 700 tønder land gee altesaam ongeveer 9 km². Modelberekeninge toon 'n prop in die gat wat wateruitwisseling aan die binnefjord met ong. 3% laat verminder het.

Slykgras (Spartina) is na die fjord gebring.

Die buitenste, oostelike deel van die fjord, na Hadsund se kant, vorm deel van die Natura 2000-gebiede van 14 Aalborgbaai, Randersfjord en Mariagerfjord[1] en is sowel 'n Ramsargebied, EU-habitatgebied as voëlbeskermingsgebied.

Eksterne verwysings wysig

(da) Det tabte land : den store fortælling om magten over det danske landskab / af Kjeld Hansen f. 1947. – Kbh. : Gad, 2008. – 847 sider : ill.
ISBN 978-87-12-04373-7
Verslag oor die agteruitgang van die Deense landskap die afgelope 250 jaar.
Oor die droogleggingsprojekte, onder meer Flemming Juncker se indammings rondom Overgaard by Mariagerfjord.

Radiopraatjie met Kjeld Hansen oor die indammingsprojekte in Mariagerfjord uitgesaai deur P1 Apropos Geargiveer 22 Januarie 2009 op Wayback Machine 11.07.2008.