Marmerpaleis
Die Marmerpaleis (Russies: Мраморный дворец; Mramorni dworets) was een van die eerste Nieu-klassieke paleise in Sint Petersburg, Rusland. Dit is oos van die Winterpaleis geleë.
Dit is deur graaf Grigori Orlof, ’n minnaar van Katharina die Grote en een van die magtigste edelmanne van die 1760's, laat bou. Bouwerk het in 1768 begin volgens die planne van Antonio Rinaldi. Die naam kom van die oorvloedige gebruik van ’n groot verskeidenheid kleure marmer – van ’n growwe Finse graniet tot pienk Kareliese marmer en wit en blougrys Oeral-marmer. Altesaam 32 kleure marmer kan onderskei word.
Die paleis huisves tans permanente uitstallings van die Russiese Staatsmuseum.
Verwysings
wysig| Wikimedia Commons bevat media in verband met Marble Palace. |
- Hierdie artikel is merendeels vertaal vanaf die Engelse Wikipedia-artikel en:Marble Palace
- Pawlowa, S.W. en Matwejef, B.M. Mramorni dworets. Sint Petersburg, 1996.
- Oechnalef, A.E. Mramorni dworets w Sankt-Peterboerge. Sint Petersburg, 2002.
