Marshallplein

Marshallplein was vir dekades lank een van die bekendste polisiekantore in die land.

Dit lê in Marshalltown in Johannesburg in die straatblok begrens deur Sauerstraat, Foxstraat, Maclarenstraat en Marshallstraat. Die buurt, plein en gebou is vernoem na Henry B. Marshall (1852-1948), ‘n Randse grondeienaar en nyweraar wat ook aan die Jameson-inval deelgeneem het. Hy het die grond geskenk waarop die ZAR se polisiehoofkwartier gebou sou word.

Die kantoorgebou met sy mooi facade is op 25 Maart 1899 deur die staatsaanklaer van die ZAR, dr. F.E.T. Krause, geopen. In daardie dae het die gebou die hoofkwartier van die ZARPS (Zuid-Afrikaansche Republiek Politie) gehuisves en het toe bekend gestaan as die Wachtkantoor. Na Uniewording was dit vir amper 70 jaar die hoofkwartier van die Suid-Afrikaanse Polisie en speurdiens in Johannesburg. In 1968 is die gebou ontruim en gesloop en het die polisie John Vorsterplein betrek.

Duisende verhoorafwagtendes is hier aangehou. Die bekende lid van die Stormjaers die stoeier Johannes van der Walt het uit die selle ontsnap. Op 11 Augustus 1963 het Arthur Goldreich en Harold Wolpe dieselfde pestasie verrig.

2002 brand

Die gebou het amper heeltemal afgebrand op die aand van 22 Oktober 2002, maar die brandweer diens het die brand onder beheer gebring voor die vuur na ander geboue kon versprei.