Martin West
Britse staats amptenaar
Martin West (1804 - 1849) is in Engeland gebore en is die eerste Luitenant-Goewerneur en burgerlike administrateur van Natal. Hy was die seun van 'n staatsamptenaar in die Tesourie. Hy studeer aan die Balliol College, Oxford voordat hy aansluit by die Oos-Indiese Kompanjie. Hy werk in Bombaai maar moes as gevolg van swak gesondheid aftree en word Resident-magistraat in Grahamstad.
In 1845 word hy aangestel as Luitenant-Goewerneur van die pas geannekseerde gebied Natal, toe nog 'n afhanklike staat van die Kaap. Hy was nie baie gewild in dié hoedanigheid nie en tree in 1849 af. Hy sterf in dieselfde jaar.