Matt Dillon

Matthew Raymond "Matt" Dillon (gebore op 18 Februarie 1964) is ’n Amerikaanse akteur en regisseur.

Matt Dillon
Matt Dillon in 2010.
Geboortenaam	Matthew Raymond Dillon
Geboorte	18 Februarie 1964 (1964-02-18)
Aktiewe jare	1979-tans

Loopbaan

Hy het sy rolprentdebuut in 1979 in Over the Edge gemaak en ’n tieneridool geword deur in flieks soos My Bodyguard (1980), Tex (1982), Rumble Fish (1983) en The Outsiders (1983) te speel. Sedert die laat 1980's het hy verdere sukses behaal met prente soos Drugstore Cowboy (1989), Singles (1992), The Saint of Fort Washington (1993), To Die For (1995), Beautiful Girls (1996), In & Out (1997), There's Something About Mary (1998) en Wild Things (1998).

In ’n 1991-artikel het die bekroonde resensent Roger Ebert hom en Sean Penn die beste akteurs van hul ouderdomsgroep genoem.

In die 2000's het Dillon sy regisseursdebuut gemaak met City of Ghosts (2002) en was hy in flieks soos Crash (2004), Factotum (2005), You, Me and Dupree (2006), Nothing but the Truth (2008) en Sunlight Jr. (2013). Tydens sy loopbaan het hy talle pryse en benoemings gekry, onder meer ’n Oscar- en Golden Globe-benoeming vir Crash en ’n Grammy-benoeming vir die vertelling van Jack Kerouac se On the Road.

In 2015 was hy te sien in die televisieminireeks Wayward Pines.