Maxwell Anderson

James Maxwell Anderson (15 Desember 1888 — 28 Februarie 1959) was 'n Amerikaanse dramaturg, digter en essayis. Hy het in 1933 die Pulitzerprys vir Drama gewen vir sy toneelstuk Both Your Houses. Ander prominente toneelstukke sluit in What Price Glory (1924), Winterset (1935), High Tor (1937), Key Largo (1939), Joan of Lorraine (1946) en Lost in the Stars (1949). Laasgenoemde werk is 'n musikale verwerking vir Broadway van Alan Paton se topverkoperroman Cry, the Beloved Country.

Maxwell Anderson
Maxwell Anderson (heel links) saam met S. N. Behrman, Robert E. Sherwood en Elmer Rice, vier van die vyf stigters van die Playwrights' Company
Gebore	James Maxwell Anderson 15 Desember 1888 Atlantic, Pennsilvanië, V.S.A
Sterf	28 Februarie 1959 Stamford, Connecticut, V.S.A.
Titel	Dramaturg, digter, essayis
Eggenoot	Margaret Haskett, Gertrude Higger, Gilda Hazard
Kinders	Hesper Anderson

Anderson is veral daarvoor bekend dat hy 'n goeie vriend en professionele kollaborateur van die Duits-Amerikaanse komponis Kurt Weill was.