Menslike hulpbronbestuur
veld in die ekonomie
(Aangestuur vanaf Menslike hulpbronne as sakefunksie in ondernemings)
Menslike hulpbronbestuur of personeelfunksie is die afdeling van 'n onderneming of 'n entiteit wat verantwoordelik is vir die aanstelling, ontwikkeling en instandhouding van menslike hulpbronne (d.w.s. die werknemers) in die spesifieke onderneming. Die aktiwiteite en besluite wat oor personeel gaan moet daarop ingestel wees om die beste moontlike werknemers aan te stel, hulle op te lei en in stand te hou sodat hulle op doeltreffende wyse tot die winsgewendheid en doelwitte van die onderneming kan bydra. Aktiwiteite van hierdie afdeling sluit die werwing, keuring, plasing en behoud van personeel, in.
