Merano

Merano [meˈrano] (Duits: Meran [meˈraˑn], Ladinies: Maran) is die tweede grootste stedelike nedersetting - naas die hoofstad Bolzano/Bozen - in die Noord-Italiaanse provinsie Bolzano-Suid-Tirol, geleë by die samevloeiing van die Etsch- en Passer-riviere. Die bevolking, wat op 31 Oktober 2018 op 40 832 beraam is, is in gelyke dele Duits- en Italiaanssprekend. Merano is aan die suidekant van die Alpe in 'n breë vallei geleë wat deur die rivier Etsch (Italiaans: Adige) gevorm is. Die Alpynse karakter van die omliggende landskap kontrasteer met die baie gematigde klimaat in die vallei waar die lente vroeër aanbreek as in ander dele van Suid-Tirol. Die streek is een van die grootste appelprodusente in Europa, en so oorheers appelbome met wit en ligroos bloeisels die landskap in die lente.

Comune di Merano • Stadtgemeinde Meran Maran
Stad
Merano / Meran met die kasteel Brunnenburg
Comune di Merano • Stadtgemeinde Meran
Koördinate: 46°40′00″N 11°10′00″O
Land	Italië
Streek	Trentino-Suid-Tirol
Provinsie	Bolzano-Suid-Tirol
Laat-Romeinse nedersetting	5de of 6de eeu n.C.
Regering
• Burgemeester	Paul Rösch (Verdi Grüne Vërc)
Oppervlak
• Totaal	26,3 km2 (10,17 vk. myl)
Hoogte	325 m (1 066 ft)
Bevolking
• Totaal	40 832
• Digtheid	1 550,2/km2 (4 015/vk. myl)
Tydsone	UTC+1 (MET)
• Somertyd	UTC+2 (MEST)
Poskode	39012
Skakelkodes	0473
Webwerf	comune.merano.bz.it

Merano, wat sedert die middel van die 19de eeu as hersteloord bekendheid verwerf het, het eeue lank as hoofstad van die graafskap Tirol gedien. In die historiese middestad het 'n groot verskeidenheid geboue uit die Middeleeue en die Belle Époque-tydperk bewaar gebly. Merano se Russies-Ortodokse kerk en geboue soos die Villa Moskau getuig van die stad se gewildheid by Europese adellikes in die vroeë 20ste eeu.

Eksterne skakels

Toerisme

---

• (en) suedtirol.info: Merano/Meran
• (de) Meraner Land