Mercedes-Benz OM601-enjin
Die Mercedes-Benz OM601-enjin is 'n inlynviersilinder-dieselenjin wat deur Mercedes-Benz vervaardig is.
.JPG) OM601-enjin met sy kopstuk verwyder. | |
| Oorsig | |
|---|---|
| Vervaardiger | Mercedes-Benz |
| Produksietyd | 1983–2001 |
| Konfigurasie | Inlynviersilinder |
| Afmetings | |
| Inhoudsmaat | 2,0 L (1 997 cc) 2,2 L (2 197 cc) 2,3 L (2 299 cc) |
| Blok | Gietyster |
| Kopstuk | Aluminium |
| Stelsels | |
| Klepwerking | Bonokas / 2 kleppe per silinder. |
| Brandstoftipe | Diesel |
| Brandstofstelsel | Indirekte inspuiting |
| Enjinlewering | |
| Kraglewering | 54–72 kW (72–96 bhp) |
| Wringkrag | 130 N⋅m (96 lb⋅ft) |
| Plek in geskiedenis | |
| Voorganger | Mercedes-Benz OM616 |
| Opvolger | Mercedes-Benz OM604 |
Drie variante van die enjin is gebou: 'n 2.0 L (1977 cc) model, 'n 2.2 L (2197 cc) weergawe wat vir die Amerikaanse mark gebou is, en 'n 2.3 L (2299 cc) vir kommersiële voertuie. Die eerste twee is deur die vervaardiger op 54 kW teen 4200 OPM en 130 Nm wringkrag gestel. Die toename in verplasing het uitlaatgasse verminder om aan Amerikaanse vereistes vir uitlaatvrystelling te voldoen. Die handelsvoertuigweergawe lewer 58 kW in standaardvariante en die turbo-aangejaagde weergawe (OM601.970) in die V230 TD en Vito 110D 72 kW.
Die OM601 is met 'n aluminiumkop op 'n ysterblok vervaardig.
Die nokas en brandstofinspuitpomp word deur 'n dupleksketting uit die krukas aangedryf. 'n Afsonderlike enkelketting dryf die oliepomp uit die krukas aan.
Brandstofvoorsiening is indirekte inspuiting via 'n voorkamer-opstelling. Die OM601 se inspuitpomp is 'n meganise brandstofinspuitingseenheid met 'n meganiese reguleerder van 5150 opm, 'n outomatiese hoogtevergoeding en 'n "laswaarnemende" outomatiese luierspoedbeheer. Die pomp word gesmeer deur 'n verbinding met die oliesirkulasie van die enjin.
Die gebruik van die blokverwarmer word aanbeveel in klimate waar dit onder −12 °C (10 °F) daal vir lang periodes.
Die enjin is in die 208D 308D en 408D Mercedes-Benz T1 gebruik en later die fase-1 308D Mercedes-Benz Sprinter.
Voorbeelde
wysig-
'n OM601-enjin met 'n verwyderde oliepan. Die krukas en suierstange is duidelik sigbaar. -
Sy-aansig van die Mercedes-Benz OM601-dieselinspuitpomp. -
'n OM601 se oliepomp. Aan die linkerkant is die riemplaat van die krukas sigbaar. -
Voorkant van 'n uitmekaargehaalde OM601-dieselenjin. -
'n Mercedes-Benz OM601-normale lugvloei-dieselenjin in 'n W201 190D Mercedes-Benz-passasiersmotor aangebring.
