Meteoroloog
'n Meteoroloog of weerkundige is iemand wat die weer en klimaat bestudeer. 'n Meteoroloog beoefen dus meteorologie as beroep.
Algemeen wysig
Die werk van 'n meteoroloog begin met die noukeurige waarnemings van temperatuur, lugdruk, lugvogtigheid, neerslag, wolke en windsnelhede. Die inligting word dan saamgevoeg en op kaarte en diagramme aangedui. Die natuurwette wat die beweging van die atmosfeer beheer word dan toegepas om uiteindelik by 'n voorspelling uit te kom.
Die vakgebied van die meteorologie is vir die eerste keer omstreeks 350 v.Chr. deur die Griekse filosoof en wetenskaplike Aristoteles in sy werk Meteorologica beskryf. Vir die rede word hy as die eerste bekende metereoloog beskou.
Meteoroloë vervul 'n belangrike voorligtingstaak. Dat geld nie net vir weervoorspellings en -waarskuwings nie, maar ook vir verskeie ander wetenskaplike onderwerpe soos die impak van die osoonlaag, klimaatsveranderinge, stygende seevlakke en ontbossing.
Weeraanbieder wysig
Sommige meteoroloë word bekend as weeraanbieders. 'n Weeraanbieder is 'n persoon wat die weer op radio of televisie bespreek, voorspellings maak en waarskuwings uitreik. Weervoorpellings word gewoonlik aan die einde van 'n nuusbulletin gelewer. Hoewel sulke weervoorspellings nie noodwendig deur meteoroloë gelewer word nie, stel hulle dit gewoonlik saam of kontroleer hulle die inhoud alvorens dit aan die publiek oorgedra word.
