Michael Douglas
Michael Kirk Douglas (gebore 25 September 1944)[1] is ’n Amerikaanse akteur en rolprentvervaardiger. Hy het aan uiteenlopende prente gewerk wat beide onafhanklike flieks en lokettreffers insluit, en het verskeie pryse gewen en erepryse gekry, onder meer die Golden Globes se Cecil B. DeMille-prys vir sy lewenslange bydrae tot die vermaakbedryf.[2]
| Michael Douglas | |
| |
Douglas in 2013 by die Deauville-rolprentfees.
| |
| Geboortenaam | Michael Kirk Douglas |
|---|---|
| Geboorte | 25 September 1944 New Brunswick, New Jersey, Verenigde State |
| Nasionaliteit |  Verenigde State
|
| Ouers | Kirk Douglas Diana Dill |
| Lewensmaat | Diandra Luker (1977-1995) Catherine Zeta-Jones (2000-) |
| Aktiewe jare | 1966-tans |
| Internet-rolprentdatabasis-profiel | |
Loopbaan
wysig
Douglas is die oudste seun van die akteur Kirk Douglas. Hy het op die verhoog en televisie en in rolprente gewerk. Hy het bekend geraak vir sy rol in die TV-reeks The Streets of San Francisco, waarvoor hy drie jaar agtereenvolgens vir ’n Emmy benoem is. In 1975 het hy One Flew Over the Cuckoo's Nest vervaardig nadat hy die rolprentregte by sy pa gekry het. Die prent is wyd geloof en was gewild onder die publiek – dit het die Oscar vir beste prent gewen.
Nadat Douglas in 1976 by The Streets of San Francisco weg is, het hy nog prente vervaardig, soos The China Syndrome (1979) en Romancing the Stone (1984); vir laasgenoemde, waarin hy ook gespeel het, het hy die Golden Globe vir beste musiekprent of komedie gewen. Nadat hy weer sy rol in Romancing the Stone as Jack Colton in die 1985-opvolgprent, The Jewel of the Nile, gespeel het (wat hy ook vervaardig het) en in die musiekprent A Chorus Line (1985) en die sielkundige riller Fatal Attraction (1987) verskyn het, het hy lof ontvang vir sy ikoniese uitbeelding van die amorele Gordon Gekko in die drama Wall Street, waarvoor hy die Oscar vir beste akteur gewen het. Hy het dié rol weer vertolk in die opvolg, Wall Street: Money Never Sleeps (2010).
Ander noemenswaardige flieks sluit in Black Rain (1989), The War of the Roses (1989), Basic Instinct (1992), The American President (1995), The Game (1997), Traffic en Wonder Boys (2000), Solitary Man (2009) en Ant-Man (2015). In die biografiese TV-prent van 2013 Behind the Candelabra het hy die rol van Liberace vertolk en groot lof en verskeie pryse daarvoor gekry, insluitende ’n Golden Globe, Emmy en Screen Actors Guild Award.
Verwysings
wysig- ↑ "Michael Douglas Biography (1944–)" (in Engels). FilmReference.com. Geargiveer vanaf die oorspronklike op 29 Desember 2019. Besoek op 16 Maart 2015.
- ↑ Kilday, Gregg (15 Junie 2009). "AFI Life award all in Douglas family". The Hollywood Reporter (in Engels). pp. 9, 14. Geargiveer vanaf die oorspronklike op 18 Junie 2009. Besoek op 4 September 2009.
- ↑ TV.com: CBS Playhouse: The Experiment Geargiveer 30 Maart 2016 op Wayback Machine
Eksterne skakels
wysig
Wikimedia Commons het meer media in die kategorie Michael Douglas.- Michael Douglas by Box Office Mojo
- Michael Douglas in die Internet-rolprentdatabasis
- Michael Douglas in die TCM-rolprentdatabasis
- Michael Douglas by NYTimes.com
Hierdie artikel is vertaal uit die Engelse Wikipedia
