Michael VI Bringas
Michael VI Bringas (Grieks: Μιχαήλ ΣΤ΄ Βρίγγας, Mikhaēl VI Bringas), ook genoem Stratiotikos ("Die Militêr") of Gerontas ("Die Oue"), was van 1056 tot 1057 die keiser van Bisantium.
| Michael VI Bringas | |
|---|---|
| Keiser van die Bisantynse Ryk | |
.jpg) ’n Goue muntstuk met Michael VI op.
| |
| Bewind | 31 Augustus 1056 – 31 Augustus 1057 |
| Gebore | ? |
| Oorlede | 1059 |
| Voorganger | Theodora |
| Opvolger | Isak I Komnenos |
Loopbaan
wysigMichael was skynbaar ’n familielid van die magtige hofamptenaar Joseph Bringas, wat invloedryk was tydens die bewind van Romanos II.[1] Hy was ’n bejaarde lid van die burokrasie wat as minister van militêre finansies gedien het (vandaar die bynaam Stratiotikos).[2] Keiserin Theodora het Michael Bringas kort voor haar dood op 31 Augustus 1056 as haar opvolger gekies.[3]
Hoewel Michael ’n sameswering deur Theodosios, ’n nefie van die vorige keiser Konstantyn IX Monomachos,[4] oorleef het, was hy nie gewild onder die militêre aristokrasie nie. Hulle het hulle by generaal Isak Komnenos geskaar, en dié is op 8 Junie 1057 tot keiser verklaar.[2]
Toe Isak teen Michael opruk, het laasgenoemde aangebied om Isak aan te neem en hom die titel "kaisar" te gee,[5] maar die aanbod is in die openbaar van die hand gewys. ’n Opstand het in Konstantinopel uitgebreek ten gunste van Isak, en Michael is oorreed om op 31 Augustus 1057 te abdikeer.[5] Hy het daarna ’n monnik geword en is in 1059 oorlede.
Verwysings
wysigBronne
wysig- Kazhdan, Alexander, ed. (1991), Oxford Dictionary of Byzantium, Vol. II, Oxford University Press, ISBN 978-0-19-504652-6
- Norwich, John Julius (1993), Byzantium: The Apogee, London: Penguin, ISBN 978-0-14-011448-5
Hierdie artikel is vertaal uit die Engelse Wikipedia
