Maak hoofkeuseskerm oop

Isak I Komnenos (Grieks: Ἰσαάϰιος ὁ Κομνη­νός, Isaakios ho Komnēnos; omstreeks 1007-1060) was van 5 Junie 1057 tot 22 November 1059 keiser van die Bisantynse Ryk. Hy was die eerste heerser van die Komnenos-dinastie.

Isak I Komnenos
’n Bisantynse muntstuk met keiser Isak I op.
’n Bisantynse muntstuk met keiser Isak I op.
Bewind 5 Junie 105722 November 1059
Dinastie Komnenos
Gebore Omstreeks 1007
Oorlede 1060 (op 53)
Konstantinopel
Voorganger Michael VI Bringas
Opvolger Konstantyn X Doukas
Vader Manuel Erotikos Komnenos

Hy was die seun van generaal Manuel Erotikos Komnenos en was jonk al ’n weeskind. Hy is onder toesig van keiser Basilius II grootgemaak. Hy het bekend geword as ’n suksesvolle militêre aanvoerder en in 1057 was hy die hoof van ’n sameswering teen die nuut gekroonde Michael VI Bringas. Sy volgelinge het hom op 8 Junie 1057 tot keiser verkies en hy het Michael se magte in die Slag van Hades verslaan. Hoewel Isak tevrede was met ’n kompromie deur Michael om hom as sy opvolger aan te wys, het ’n faksie in Konstantinopel onder die ambisieuse patriarg van Konstantinopel, Michael Keroularios, Michael VI gedwing om te abdikeer. Daarna is Isak op 1 September as keiser gekroon.

As keiser het hy sy ondersteuners beloon, maar ook ’n reeks finansiële maatreëls ingestel en die buitensporighede van sy voorgangers te beëindig. Sy doel was om die staatskis te vul en die doeltreffendheid van die Bisantynse leër te verhoog. Die afname in salarisse, strawwe belastingsmaatreëls en beslaglegging op kerkeiendom het sterk teenkanting ontlok, veral van Keroularios, wat homself as ’n keisermaker beskou het.

In November 1058 is Keroularios in hegtenis geneem en verban. Kort daarna het Isak siek geword en het hy geabdikeer ten gunste van Konstantyn X Doukas. Hy het in ’n klooster gaan woon en is in 1060 daar oorlede.

BronneWysig

  • Norwich, John Julius (1993), Byzantium: The Apogee, London: Penguin, ISBN 978-0-14-011448-5 
  • Gautier, Paul, red. (1975). Nicéphore Bryennios: Histoire. Corpus Fontium Historiae Byzantinae (in French). Brussels: Byzantion. OCLC 814361996.AS1-onderhoud: Onbekende taal (link)
  • Kaldellis, Anthony (2017). Streams of Gold, Rivers of Blood: The Rise and Fall of Byzantium, 955 A.D. to the First Crusade. New York: Oxford University Press. ISBN 978-0190253226.
  • Wortley, John, red. (2010). John Skylitzes: A Synopsis of Byzantine History, 811–1057. Cambridge: Cambridge University Press. ISBN 978-0-521-76705-7.