Mikat

’n Mikat (Arabies: ميقات) is ’n punt waar pelgrims op die hadj of oemra na Mekka die gewyde toestand bekend as ihram binnegaan en hul ihram-klere aantrek. Vyf van die ses aangewese plekke is deur die profeet Mohammed vasgestel, terwyl die sesde een later bygekom het vir mense uit Indië en die Verre Ooste. Die mikats is soos volg:

• Dhu'l-Hulayfah. Dit is sowat 9 km van Medina en 450 km van Mekka af. Dit is vir mense wat van Medina en omliggende gebiede kom.
• Juhfah. Sowat 190 km noordwes van Mekka vir mense wat uit die rigting van Sirië en Egipte kom.
• Qarnu 'l-Manāzil. Ook bekend as Meeqat Al Sail, sowat 85 km van die Kaäba af op ’n dorpie met die naam As Sail Al Kabeer. Dit is vir mense van die Najd-streek of die middelste gebied van Saoedi-Arabië af.
• Yalamlam. Dit is vir mense wat uit Jemen se rigting kom. Yalamlam is ’n dorpie in die provinsie Mekka.
• Zāt-i-'Irq. Sowat 85 km noordoos van Mekka vir pelgrims uit die rigting van Irak en Iran. Dit is sowat 58 km van die snelweg na Mekka af.
• Ibrahīm Mursīa. Sowat 57 km van Mekka af vir mense wat oor die Indiese Oseaan kom.

Die mikat vir mense wat van Medina af kom, Dhu'l-Hulayfah.

Verdere leesstof

Hughes, Thomas Patrick (1994). Dictionary of Islam. Chicago, IL: Kazi Publications Inc. USA. ISBN 0-935782-70-2.

Eksterne skakels

• ’n Kaart van die mikats
• Hierdie artikel is vertaal uit die Engelse Wikipedia