Misdaad in Denemarke

Misdaad in Denemarke word deur die Deense Polisie en ander agentskappe bekamp.

Oorsig

Denemarke het “betreklike lae geweldsmisdaadkoerse”.

Kopenhagen

Die 2011-misdaadstatistiek van Kopenhagen toon ’n 26% daling van inhegtenisneming van gewelddadige aanvalle en bedreigings, sowel as ’n 22% daling in dwelmverwante arrestasies sedert 2009. Die misdaadsyfers toon egter ’n 24% styging van aangemelde inbrake en huisrooftogte sedert 2009.

Misdaad volgens buurt

Glostrup, ’n blouboordjie voorstad in Kopenhagen is as die gewelddadigste gebied in 2009 geïdentifiseer. Die plek met die minste aangemelde geweld was Christiansø, ’n klein eilandjie noordwes van Bornholm geleë.

Hervatting van verskerpte grensbeheer

Gedurende Mei 2011 het Denemarke die kontrole langs sy grense van Duitsland en Swede hervat, wat vroeër onder die EU se Schengensone-ooreenkoms oop was. Die Deense regering probeer hierdeur oorgrensmisdaad, onwettige immigrasie en dwelmhandel te voorkom.

Onlangse statistiek

Die hoeveelheid misdaad wat onlangs by die polisie aangemeld word is vier keer hoër as in 1950. Die gemeenskapswelsyn, leë huise gedurende die dag, veranderde versekeringvoorwaardes en die groter bereidheid om te rapporteer is van hierdie redes. Sedert die 1990's het die hoeveelheid misdaad egter afgeneem, hoofsaaklik omdat minder eiendomsmisdaad aangegee is. Ander die ander kant het die getal geweldsmisdaad toegeneem.

In 2010 is altesaam 417 000 oortredings aangemeld wat gelyk staan aan 1 oortreding vir elke 10 Dene wat 15 jaar of ouer is.

Die getal misdaad wissel natuurlik waar 'n mens bly, hetsy platteland of stedelike gebied. Die metropolitaanse gebied en groot stede soos Odens, Vejle en Aarhus het die hoogste hoeveelheid misdaad per capita, terwyl klein eilandjies soos Læsø en Samsø die minste deurloop.

In 2010 het die getal vervalsings tot 'n slegs vyfde van dié in 1980 gedaal. Dit is grootliks te danke aan die gebruik van kredietkaarte pleks van tjeks.

Misdaad

Jaar	1980	1990	1995	2000	2010
Getal misdaad aangemeld	408 177	527 421	538 963	504 231	471 088
Eiendomsmisdaad	390 917	507 763	515 954	479 190	442 678
Diefstal	108 670	168 115	175 521	193 893	189 848
Roof	136 983	139 410	162 106	120 010	102 630
Inbraak	95 238	122 371	106 533	99 568	96 683
Skade met opset	18 841	37 138	38 771	39 857	32 446
Bedrog	8 944	11 156	9 804	8 040	9 831
Vervalsing	12 905	14 315	10 683	7 328	2 589
Geweldsmisdaad	5 719	10 651	13 357	15 157	18 131
Moord	77	58	60	58	49
Geslagsmisdaad	2 273	2 521	2 779	2 800	2 642
Verkragting	422	486	440	497	429
Ander misdaad	9 268	6 486	6 873	7 084	7 637