Polisie van Denemarke
Die Polisie van Denemarke ((da) : Politiet ) vorm die interne deel van die Deense wetstoepassers (met die Deense militêre diens wat die eksterne deel uitmaak). Die polisie word bemagtig om die wet af te dwing en om publieke en sosiale orde te handhaaf.
Organisasie
wysigDie openbare Deense polisiediens bestaan uit 12 distrikte, wat elk deur ’n direkteur bestuur word en twee kleiner wyke in Groenland en die Faroëreilande wat elk deur die plaaslike polisiehoof beheer word. Die Kopenhagendistrik word ietwat anders georganiseer weens sy grootte en take.
Behalwe die gewone distrikte bestaan daar ook ander organisasies wat buitekant die algemene polisie werk:
- Rigspolitiet – ’n landwye polisiemag wat gespesialiseerd is in take soos Begroting en Rekening , Gebou-landmetersdepartement en die Data-ondersoekdepartement
- Politiets Efterretningstjeneste – die nasionale veiligheid intelligensiediens van Denemarke
- Politiets Aktionsstyrke – spesiale taakmagte van die Deense polisie
Toerusting
wysigUniform
wysigDie algemene polisiedrag bestaan uit ’n ligblou hemp met die polisie-insinje op die mou. Gewoonlik word ’n das gedra. Waardigheidstekens word op die skouers gedra. Die broek is donkerblou, met terugkaatsende stroke. Swart skoene vorm ook deel van die standaard polisie-uniform. Spesiale taktiese pakke word van brandwerende materiaal gemaak en word in situasies gebruik wat sulke toerusting vereis. Die taktiese pak sluit ook ’n veiligheidshelm in.
Voertuie
wysigVir die daaglikse dienste is die patrolliemotors wit en die honde-eenheidvoertuie meestal donkerblou. Hulle het ’n blou stroboskooplig en die woord “POLITI” wat op die kant in weerkaatsende en helder verf aangebring is. Die patrolliemotors wat die meeste gebruik word, is die Ford Mondeo, Volkswagen Passat en Opel Vectra, met 2,0 en 2,2-ℓ enjins. In 2009 is die 3,6-ℓ Skoda Superb by die vloot toegevoeg. Die ongemerkte motors is gewoonlik met enjins tussen 1,6 tot 2,2-ℓ toegerus. Kleiner voertuie soos die Peugeot 307, Opel Astra, Ford Focus en Toyota Yaris – met 1,2 tot 1,6-ℓ-enjins – word ook ingespan. Die Peugeot 607 word vir die veiligheid van kabinetslede en die koninklike hof ingespan. Toyota Land Cruisers en Volkswagen Touaregs word vir spesiale take gebruik. Klein afdelings sal kenmerklik VW Transporters gebruik, terwyl Volkswagen LT’s en Ford Transit minibusse tydens groter operasies gebruik word, wanneer groot mannekrag vereis word (bv. optogte, sokkerwedstryde, groot skarebeheer). By buitengewone voorvalle word ’n variasie van die Mercedes-Benz Vario gebruik. Dit staan as die Hollanderwa (in Deens, Hollændervogn ) bekend. Hierdie naam is afkomstig van die feit dat hierdie voertuie in Nederland as ligte pantsermotors met versterkte sye en brandbestande bedekkingslaag toegerus word. Hulle word gebruik as ligte pantsermotors by optogte of openbare oproerigheid en vir die algemene vervoer van groot getalle gearresteerdes.
Die Mercedes-Benz Vito word vir straatwaarneming gebruik en die Nissan Patrol (met perdesleepwa) deur die ruiterpolisie.
Die verkeerspolisie gebruik burgerlike goederewaens soos VW Transporters, Mercedes-Benz Vito’s en Toyota Hiaces.[1]
Vir verkeerbeheer en die vergesel van baie belangrike persone word die Yamaha FJR1300A en Honda ST1300A-motorfietse,[2] asook die BMW K1200RS en BMW K1200GT gebruik (waar laasgenoemde stadig besig is om die ou BMW K1100LT en BMW R1100RT te vervang).
Wapens
wysigDie standaard polisiediens-handgeweer is die Heckler & Koch USP Compact 9 mm pistool. Vir spesiale take word die Heckler & Koch MP5 submasjiengeweer gebruik. Konstabels word ook met knuppels en pepersproeikannetjies toegerus.
Range en kentekens
wysigDie openbare vervolging is deel van die Deense polisie. Sedert 2014 net die Hoofaanklaers dra uniform. Ander aanklaers, met die grade van aanklaer klerk, aanklaer, senior aanklaer, spesiale aanklaer en advocaaturhoof, is sonder uniform.
| # | Range | Kentekens | Kategorie personeel | Funksie |
|---|---|---|---|---|
| 1. | Rigspolitichef |  |
Senior Bestuur Offisiere | Nasionale Kommissaris |
| 2. | Politidirektør Direktionsmedlem i Rigspolitiet Politimester i PET Politimester i Grønland Politimester på Færøerne |
 |
Senior Bestuur Offisiere | Provinsiale Kommissaris Afdelingskommissaris Hoof van Politiets Efterretningstjeneste Hoof van Polisie in Groenland Hoof van Polisie uit die Faroëreilande |
| 3. | Stabschef Afdelingschef i Rigs- politiet |
 |
Senior Bestuur Offisiere | Hof van Staf Hof van Departement |
| 3. | Chefanklager | Advokaat | Hoofaanklaer | |
| 3. | Chefpolitiinspektør | Polisie | Adjunk Kommissaris | |
| 4. | Vicepolitimester i Grønland Vicepolitimester på Færøerne Vicepolitimester i Rigspolitiet Politiinspektør |
 |
Polisie | Adjunkhoof van Polisie in Groenland Adjunkhoof van Polisie uit die Faroëreilande Adjunkhoof van Polisie in Rigspolitiet Direkteur |
| 5. | Vicepolitiinspektør |  |
Polisie | Superintendent |
| 6. | Politikommissær |  |
Polisie | Inspekteur |
| 7. | Politiassistent |  |
Polisie | Adjudant-Offisier (polisiebeampte met 12 jaar diens) |
| 8. | Politiassistent |  |
Polisie | Sersant (polisiebeampte met sewe jaar diens) |
| 9. | Politibetjent |  |
Polisie | Konstabel |
Polisiewet
wysigDie operasies van die Deense polisie word deur die Polisiehandhawingswet ((da) Lov om politiets virksamhed ) beter bekend as Die Polisiewet ((da) : politiloven ) van 9 Julie 2004.[3]
Die wet het op 1 Augustus 2004 in werking getree en die eerste seksie verklaar dat:
Die polisie moet werk om sekerheid, veiligheid, vrede en orde in die samelewing te handhaaf. Die polisie moet hierdie doel deur voorkoming, hulp en bekragtiging in die hand werk.
Di tweede seksie verklaar dat ander areas van die polisieregsbevoedheid insluit:
- om misdaad, versteuring van openbare vrede en orde en gevaar vir individuele burgers en landsveiligheid te voorkom
- om misdaad te stop, te ondersoek en te vervolg
- om burgers tydens gevaarlike situasies te ondersteun
- om volgens die huidige reëls en regulasies na te gaan en te ondersoek
- om ander agentskappe volgens die huidige reëls en regulasies te ondersteun
- om ander take volgens die huidige reëls en regulasies uit te voer, so ook met die ander take wat met polisiediens vereenselwig word.
Laastens verklaar die derde seksie: Die polisie mag in ander situasies as dié wat in die wet voorgeskrywe staan slegs met burgers tussenbeide tree onder hierdie Wet. [4]
Militêre polisie
wysig
Die militêre polisie (MP) in Denemarke is polisie-eenhede binne die takke van die weermag. Elke tak het sy eie MP-korps, hoewel hulle dikwels saamwerk en soortgelyke insinjes dra.
Die MP-infanterie dra óf spesifieke uniforms met die MP-skouerkenteken op óf die tak se daaglikse gevegstenue met ’n rooi baret.
Die MP-infanterie het oor die algemeen geen wetlik gesag teenoor burgers in nie-militêre gebiede nie, maar slegs teenoor die militêre infanterie soos teenoor enigiemand by die militêre vestigings (ook die publiek-toeganklike gebiede soos die Holmen-vlootbasies in Kopenhagen), die geboue wat die Ministerie van Verdediging huisves en die koninklike paleise (soos die Amalienborgpaleis en gedeeltes van die Christiansborgpaleis). By sekere geleenthede kan die MP-infanterie aan die burgerlike polisie steun verleen, maar sal slegs oor effens meer wetlike gesag as die burgers beskik, wat dié van die burgerwag s’n ewenaar.
Die Burgerwag
wysig
Die Deense polisie kan ’n seksie van die Deense burgerwag om hulp versoek, naamlik die polisieburgerwag . Die polisieburgerwag bestaan uit 47 vendels, wat elke deur professionele polisiebeamptes gelei word.
Die vrywilligers word hoofsaaklik vir verkeersbeheer by feeste ingespan, om slagoffers en vermiste persone te help opspoor en om gemeenskapsvestigings te bewaak, maar sal nooit gevra word om handjie by te sit met take waar direkte konfrontasie met burgers betrokke is (oproerbeheer of beplande arrestasies ens.) nie. Dit vorm deel van die Weermagburgerwag.
Hulle dra gevegstenue, groen barette en heldergeel onderbaadjies met die teks “POLITI HJEMMEVÆRNET” (POLISIEBURGERWAG) daarop.
Burgerwaglede het effens meer wetlike gesag as die burgers sou hul diens dit vereis, maar hulle bly altyd onderskik aan die burgerlike polisie.
Sien ook
wysigEksterne skakels
wysigVerwysings
wysig- ↑ "Vans used for automatic traffic control". Geargiveer vanaf die oorspronklike op 20 Oktober 2007. Besoek op 15 Junie 2011.
- ↑ Politiet får nye motorcykler Geargiveer 17 Julie 2011 op Wayback Machine (da)
- ↑ "Lov om politiets virksomhed" (in Deens). Geargiveer vanaf die oorspronklike op 26 Oktober 2019.
- ↑ Hoewel dit vanselfsprekend mag klink, word daar uitdruklik gestipuleer dat die polisie onder geen omstandighede teenoor die burgers mag optree wat nie deur die Wet onderskraag word nie ((da) : hjemlet). Dit verseker dat die polisie nie hul eie interpretasies van wette en regulasies maak nie.