Moon Travel Guides

Moon Travel Guides is 'n Amerikaanse reeks van reisgidse wat oorspronklik in 1973 in Chico, Kalifornië as selfstandige uitgewery en kollektief van wêreldreisigers en reisskrywers gevestig is. Die kollektief het al vroeg begin om onafhanklike toerisme te bevorder en sterk gesteun op reisskrywers wat self woonagtig was in die reisbestemmings waaroor hulle geskryf het. Moon het aanvanklik op bestemmings in Asië gefokus, maar sy program later uitgebrei om die grootste uitgewer van reisgidse vir bestemmings in die Amerikas te word.

Tans het Moon sy hoofkantoor in Berkeley en word die reisgidse deur Avalon Travel gepubliseer, 'n uitgewersmerk van Perseus Books wat op sy beurt deel uitmaak van die Hachette Book Group, 'n Amerikaanse uitgewery in besit van die multinasionale Franse media-onderneming Lagardère SCA, gesetel in Parys.

In 2017 was Avalon Travel, wat naas Moon ook die Rick Steves-reeks publiseer, volgens verkoopsyfers die tweede grootste uitgewery van reisgidse op die Amerikaanse mark, na Lonely Planet en voor DK, Fodor's en Frommer's.[1]

Verwysings wysig

Eksterne skakels wysig

Advies vir voornemende reisskrywers