Witmoerbei

Die Witmoerbei (Morus alba) is 'n indringerplant en 'n groot, bladwisselende en bosserige boom met neerhangende buitetakke. Die boom word tot 15 m hoog en groei aan stroomoewers en woudrande. Die enkelvoudige blare is ovaal, blink en het 'n skerp punt. Die are is duidelik op die blaar, dit is heldergroen aan die bokant en ligter aan die onderkant. Die groenerige blommetjies verskyn in are gedurende September tot Oktober. Die vrugte is silindries en kan rooi, wit of pers wees. Voëls eet graag die vrugte en versprei so die saad. Die boom is inheems aan China en Japan, waar dit deel van die sybedryf is.

Witmoerbeiboom
'n Witmoerbeiboom in Tehran
Wetenskaplike klassifikasie
Koninkryk:	Plantae
Orde:	Rosales
Familie:	Moraceae
Tribus:	Moreae
Genus:	Morus
Spesie:	M. alba
Binomiale naam
Morus alba L. 1753
Subspesies
Morus alba var. alba Morus alba var. multicaulis (Perr.) Loudon
Sinonieme
Morus atropurpurea Roxb. Morus chinensis Lodd. ex Loudon Morus intermedia Perr. Morus latifolia Poir. Morus multicaulis (Perr.) Perr. Morus tatarica L.

Blare en vrugte

Blomme in die lente

Sien ook

• Alfabetiese lys van Suid-Afrikaanse bome
• Lys van indringerplante in Suid-Afrika

Bronne

• Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0

Eksterne skakels

• Wikimedia Commons het meer media in die kategorie Witmoerbei.
• Wikispecies het meer inligting verwant aan Witmoerbei