Mosambiekstroom

Die Mosambiekstroom is 'n seestroom in die Indiese Oseaan. Dit word dikwels as 'n warm, suidwaartse stroom langs die kus tussen Mosambiek en Madagaskar omskryf. Hierdie beskrywing blyk egter foutief te wees, aangesien die kanaal dikwels groot anti-siklonale draaikolke bevat. Hierdie draaikolke is nie van die res van die stelsel in die Indiese Oseaan afhanklik nie. As die draaikolke voorkom, is dit onmoontlik om 'n vaste stroomrigting te bepaal. Ten tye wanneer die draaikolke ontbreek, kan dit wel as 'n vaste suidvloeiende stroom beskou word.

Voorstelling van die Mosambiekstroom.

Hierdie draaikolke is massief, warm en anti-siklonaal. Hulle diameter kan tot so groot as 300 km wees. Die oorsaak van die draaikolke is onbekend en word nog ondersoek.

Sien ook

• Mosambiekkanaal
• Agulhasstroom