Maak hoofkeuseskerm oop

Moskee van die Twee Kieblas

Al-Masdjid al-Kiblatain (Arabies: المسجد القبلتین), of die Moskee van die Twee Kieblas, is ’n moskee in Medina, Saoedi-Arabië, wat histories belangrik in die Islam is omdat die profeet Mohammed die rigting van gebed (kiebla) in dié moskee van Jerusalem na Mekka verander het. Dit het daarna twee mihrabs (nisse wat die kiebla aandui) gehad. In onlangse tye is die moskee gerestoureer en die ou mihrab wat in die rigting van Jerusalem wys, is verwyder.

Al-Masdjid al-Kiblatain
Die hoofingang van die Masdjid al-Kiblatain.
Die hoofingang van die Masdjid al-Kiblatain.
Ligging  Medina, Saoedi-Arabië
Voltooi  623 n.C.
Status  Aktief
Spesifikasies 
Minaret(te)  2
Koepel(s)  1
Kapasiteit  2 000

Die Kiblatain-moskee is een van die drie oudste moskees ter wêreld. Baie pelgrims wat die hadj voltooi het, besoek dit vanweë sy historiese belang.

KoranWysig

 
Die mihrab wat die huidige kiebla, Mekka, aandui.

Aanhalings uit die Koran oor die verandering van die kiebla:

  Waarlik, Ons sien u het die aangesig na die hemel gewend, daarom sal Ons u sekerlik aanstel as meester van watter Kiebla u ook mag geval; wend dan u aangesig na die Heilige Moskee. En waar julle ook al mag wees, wend julle aangesig daarheen. En hulle aan wie die Boek gegee is, weet waarlik dat dit die waarheid van hul Heer is. En Allah is nie onbewus van wat hulle doen nie.[1]
 
  Die dwase onder die volk sal sê: Wat het hul laat wegdraai van die Kiebla wat hul vroeër gehad het? Sê: Slegs aan Allah behoort die Ooste en die Weste; Hy lei op die regte weg wie Hy wil...[2]
 

VerwysingsWysig

  1. Koran 17:144
  2. Koran 17:142

Eksterne skakelsWysig