Jerusalem (Hebreeus: ירושלים Jeroesjalajim, ; Oud-Grieks: Ἱεροσόλυμα; Latyn: Hierosolyma; Arabies: القدس, al-Quds (asch-Scharif), , letterlik: „die Heilige“ of amptelik: أورشليم القدس, Urshalim-al-Quds; Turks: Kudüs) is die hoofstad en grootste nedersetting van Israel met 'n bevolking van 933 113. Die stad lê tussen die Middellandse See in die weste en die Dooie See in die ooste. Jerusalem is die Heilige stad van die drie Abrahamitiese gelowe Judaïsme, Christendom en Islam. Jerusalem is saam met Hebron, Safed en Tiberias een van die vier heilige stede binne Judaïsme.[1] In Islam is Jerusalem die derde heiligste stad net na Mekka en Medina.[2]

Jerusalem
יְרוּשָׁלַיִם / Jeroesjalajim
القُدس / al-Quds

Kaart Wapen
Vlag
 Land Vlag van Israel Israel
Palestinian flag Palestynse Owerheid
 Distrik Jerusalem
 Koördinate 31°46′N 35°13′O / 31.767°N 35.217°O / 31.767; 35.217
 Stigting 4de millennium v.C
 Oppervlakte:  
 - Totaal 125,2 vk km
 Hoogte bo seevlak 754 m
 Bevolking:  
 - Totaal (2009) 933 113
 - Bevolkingsdigtheid 6 183 vk/km
 - Metropolitaanse gebied 1 700 300
 Tydsone UTC +02:00
 Somertyd UTC +03:00
 Burgemeester Moshe Lion
(Zaki al-Ghul (ooste))
 Amptelike Webwerf jerusalem.muni.il
Die hooggeregshof van Israel
Verskuiwing van die Verenigde State se Ambassade na Jerusalem. Die Verenigde State was die eerste land op aarde wat Israel amptelik erken het en was ook die eerste wat die status van Jerusalem as hoofstad van Israel bevestig het. Oos-Jerusalem word nie regstreeks deur hierdie besluit geraak nie aangesien alle regeringsinstellings in Wes-Jerusalem gesetel is[3]

In die ou stad lê die Klaagmuur, die Grafkerk en die Rotskoepel. Oos-Jerusalem is onderverdeel in 'n Joodse, 'n Christen-, 'n Moslem- en 'n Armeense kwartier. Oos-Jerusalem word deur Palestyne opgeëis as hoofstad van 'n toekomstige Staat Palestina, 'n belangrike element in die Israel-Palestina-konflik. Israel verwys egter met reg daarop dat sy burgers, ongeag hulle geloofsoortuigings, tussen 1948 en 1967 deur die destydse Jordaanse owerheid toegang tot Oos-Jerusalem geweier is.

Een van Israel se Fundamentele Wette, die Jerusalem-wet van 1980, verwys na Jerusalem as die land se onverdeelde hoofstad. Alle regeringsliggame van Israel is hier gesetel, insluitende die parlement (Knesset), die ampswonings van die eerste minister (Beit Aghion) en die staatspresident (Beit HaNassi) en die Hooggeregshof. Die de facto-status van Jerusalem as hoofstad van Israel is weerspieël deur die feit dat die Verenigde State hul ambassade in 2018 hierheen verskuif het – in ooreenstemming met die Amerikaanse Kongres se Jerusalem Embassy Act van 1995.[4] Ander state soos Guatemala en Paraguay het hierdie voorbeeld intussen gevolg.

Die historiese stadskern van Jerusalem word sedert 1981 deur Unesco as 'n wêrelderfenisgebied gelys.

Boorlinge wysig

Tweelings- en susterstede wysig

Vennoot-stad wysig

Sien ook wysig

Verwysings wysig

  1. Joseph Jacobs, Judah David Eisenstein. "PALESTINE, HOLINESS OF:" (in Engels). Jewish Encyclopedia. Geargiveer vanaf die oorspronklike op 6 Mei 2020. Besoek op 18 November 2018.{{cite web}}: AS1-onderhoud: gebruik authors-parameter (link)
  2. "Jerusalem" (in Engels). Encyclopædia Britannica. Geargiveer vanaf die oorspronklike op 9 Mei 2020. Besoek op 18 November 2018.
  3. The Institute for National Security Studies: The Recognition of Jerusalem as the Capital of Israel. In: Oded Eran: INSS Insight, nommer 1000, 13 Desember 2017
  4. congress.gov: Jerusalem Act of 1995. Besoek op 10 Junie 2018
  5. "Online Directory: Israel, Middle East". Sister Cities International. Geargiveer vanaf die oorspronklike op 17 Januarie 2008. Besoek op 26 Januarie 2012.
  6. "New York City Global Partners" (in Engels). NYC.gov. Geargiveer vanaf die oorspronklike op 28 Junie 2011. Besoek op 26 Januarie 2012.
  7. "Partner Cities (Portal of Prague)" (in Engels). Praha.eu. Geargiveer vanaf die oorspronklike op 20 Oktober 2013. Besoek op 26 Januarie 2012.
  8. "Jumelage". Fes city. Geargiveer vanaf die oorspronklike op 23 Augustus 2011. Besoek op 26 Januarie 2012.

Eksterne skakels wysig

 
'n Uitsig oor Jerusalem