Ostrogbybel

(Aangestuur vanaf Moskoubybel)

Die Ostrogbybel (Russies: Острожская Библия, Ostrozjskaja Biblija; Oekraïens: Острозька Біблія, Ostrozka Biblija) was een van die vroegste Oos-Slawiese vertalings van die Bybel en die eerste volledige gedrukte weergawe in Ou Kerkslawies. Dit is in 1581 in Ostroh in die Pools-Litause Gemenebes (tans in Oekraïne) by die drukker Iwan Fjodorof gedruk met die hulp van die Roeteense prins Konstantin Ostrogski.

Die Ostrogbybel.
Die Ostrogbybel.

Die Ostrogbybel is uit die Griekse Septuagint vertaal en is twee keer gedruk: op 12 Julie 1580 en met 'n hersiene weergawe op 12 Augustus 1581. Dit is 'n monumentale publikasie van 1 256 bladsye wat rojaal versier is. Dit was die eerste Bybel wat in Cyrilliese skrif gedruk is en het as model vir latere Russiese weergawes van die Bybel gedien.

Die Bybel is in Rusland, Oekraïne en Belarus gebruik en was ook oorsee bekend. Dit is in 1663 in Moskou herdruk. Dié weergawe is ook bekend as die Moskoubybel.

Sien ook wysig

Russiese Bybelvertalings

Eksterne skakels wysig