Mungo Park

Mungo Park

Skotse ontdekkingsreisiger

---

Beduidende werke



Travels in the Interior Districts of Africa (1816)

Mungo Park (* 11 September 1771 in Foulshiels naby Selkirk, Skotland; † Januarie of Februarie 1806 naby Bussa, Nigerië) was 'n Britse ontdekkingsreisiger in Afrika.

Sy twee reise, wat hy tussen 1795 en 1797 en tussen 1805 en 1806 onderneem het, het hom na die Gambië, en as eerste Europeër na die Nigerrivier geneem. Die mikpunt van die verkenningstogte was om die Nigerrivier tot by sy oorsprong te verken. Sy eerste reis in opdrag van die African Association het in die Gambië begin en tot by Silla in die huidige Mali gevorder. Hy is tydens hierdie reis gevange geneem, maar kon daarin slaag om te ontsnap. Aangesien hy sy reistoerusting kwytgeraak het, kon hy net met die bystand van 'n Afrikaan oorleef. Met sy terugkeer het hy die Travels in the Interior Districts of Africa (1799) met groot lof gepubliseer. Dit was destyds 'n blitsverkoper en word vandag steeds by die klassieke reisliteratuur gereken. In 1804 het hy 'n groter ekspedisie namens die Britse regering gelei en het Bussa in die huidige Nigerië bereik waar hy in 'n konflik met plaaslike inwoners vermoor is.