Mzingwanerivier

Die Mzingwanerivier (Mzingwanirivier, Umzingwanirivier) is 'n rivier in die provinsie Matabeleland-Suid in Zimbabwe.

Die Mzingwanerivier naby Beitbrug, Zimbabwe. Die Mzingwanerivier naby Beitbrug, Zimbabwe.
Stroomgebied	Zimbabwe
Oorsprong	Omgewing van Esigodini ten ooste van Bulawayo (Zimbabwe)
Monding	Naby Beitbrug, Zimbabwe Limpoporivier
Oorsprong-hoogte	1 460 m
Monding-hoogte	450 m
Gemiddelde afloop	31,536 m³/s
Stroomgebiedopp.	15 695 km²

Rivierloop

Die Mzingwane ontspring op 1 460 m bo seespieël in die omgewing van Esigodini ten ooste van Bulawayo. Daarna vloei dit suidwaarts en mond by 22° 11′ 15″ suid en 29° 55′ 32″ oos op 500 m bo seespieël in die Limpoporivier uit. Hierdie samevloeiing is nagenoeg 7 km stroomop van Beitbrug. In die boloop van die Mzingwane sluit die Inyankunirivier uit die noorde aan. By Wes-Nicholson sluit die Insizarivier uit die noordooste vanaf Fort Rixon by die Mzingwane aan.

Opvangsgebied

Die bekken van die Mzingwane is met sy 15000 km² op twee na die grootste opvangsgebied vir die Limpopo. Daar is verskeie kleiner sytakke in die rivierstelsel, maar weens die wisselvallige reënval loop die spruite soms slegs van November tot Maart. Andersins is dit bloot omarambas. Honderde damme en keerwalle is in die riviere gebou, maar die bakmaat daarvan het weens toeslikking baie afgeneem. Water word teenswoordig ook aan die waterdraer onttrek.

Damme

Die grootste damme is die:

• Nzingwanedam en die Zhovhedam in die Mzingwanerivier
• Inyankunidam by Esigodini in die Inyankunirivier
• Insizadam, die Silalabuhwadam en noordwes van Fort Rixon die Bo-Insizadam in die Insizarivier.

Trivia

• Slegs enkele brûe is oor die rivier gebou. Daar is egter verskeie driwwe.
• Langs die rivier is goudsoekers besig om te prospekteer. In die proses is baie bome verwyder en die water met kwik besoedel.