NG gemeente Elsburg-Suid

Die NG gemeente Elsburg-Suid is die jongste van die twee gemeentes van die Nederduitse Gereformeerde Kerk wat die Germistonse voorstad Elsburg se naam dra; die ander is die moedergemeente Elsburg, gestig in 1939.

Die gemeente se kerkgebou.

Elsburg-Suid het in 1961 afgestig, blykbaar van Elsburg. Die gemeente se kerkgebou is geleë op die hoek van Brug- en Bothastraat, Elsburg. Einde 2016 was hier 165 doop- en 595 belydende lidmate. Die gemeente was toe vakant.