NG gemeente Hartbeeshoek
Die NG gemeente Hartbeeshoek was 'n gemeente in die Nederduitse Gereformeerde Kerk se Noordelike Sinode en in die Ring van Pretoria-Noord.
Die gemeente is gestig in 1955. In 1990 het die gemeente 1 076 doop- en 1 971 belydende lidmate gehad, in 1995 onderskeidelik 954 en 1 812 en in 2000 onderskeidelik 793 en 1 717, maar dis kort daarna ingelyf by die gemeente Wonderpark (gestig in 1989), wat in 2000 458 doop- en 952 belydende lidmate gehad het. In 2015 het Wonderpark (waarby Akasia ook intussen ingelyf is) 550 doop- en 2 490 belydende lidmate gehad. Die kerkgebou is geleë in Berglaan, Amandasig. Hartbeesboek se kerkgebou was in Orchards-Rosslynpad en Akasia s'n by Heatherdale 82, Akasia. Dié gemeente het in 2005 426 doop- en 1 129 belydende lidmate gehad.
Die charismatiese kerk Doxa Deo het in 2010 'n kontrak met die NG gemeente Wonderpark gesluit om die Akasia-gebou Sondagoggende te gebruik. Van 2013 af huur dié kerk die gebou voltyds.[1]
Enkele leraars wysig
- Alfred Clement Sephton, 1956 – 1961
- Theunis Hendrik Du Buisson Gouws, 1966 – 1982 (waarna Akasia vanaf 10 Januarie 1982; blykbaar is Akasia die jaar vantevore van Hartbeeshoek afgestig.)
Bronne wysig
- Symington, Johan (et. al.), Jaarboek van die NG Kerke, Tydskriftemaatskappy, Kaapstad, Pretoria en Wellington.
Verwysings wysig
- ↑ (af) Die geskiedenis van die Doxa Deo Akasia Kampus Geargiveer 28 Januarie 2016 op Wayback Machine. URL besoek op 12 September 2015.
Sien ook wysig
Eksterne skakels wysig
- Die kerkgebou van Hartbeeshoek huisves nou (2015) 'n Lutherse gemeente. Dis geleë op die hoek van Doreenstraat en Hultonlaan, Orchards. URL besoek op 12 September 2015.
- Die kerkgebou van die NG gemeente Wonderpark, Berglaan, Amandasig, soos te sien op Google Maps. URl besoek op 12 September 2015.
- Die kerkperseel van die destydse NG gemeente Akasia. URL besoek op 12 September 2015.