NG gemeente Mayfair

Die NG gemeente Mayfair het in 1953 afgestig van die NG gemeente Fordsburg, waarvan die kerkgebou ook in die Johannesburgse voorstad Mayfair was, maar is in 1976 weer by die moedergemeente ingelyf.

Die kerkgebou, begin 2018. Dis reeds jare lank die hookantoor van Blind SA.

Ds. Z.A.N. van den Heever, eerste leraar.

Ds. J.N. Botha het die kerkgebou se hoeksteen op 3 Mei 1952 gelê toe Mayfair nog deel was van die moedergemeente Fordsburg.

Ds. Z.A.N. van den Heever het in 1953 as eerste leraar van Mayfair van die moedergemeente af oorgekom. Hy bly in die gemeente tot hy in 1969 na Rhodesië vertrek. Die tweede en laaste leraar was ds. J.C. Krüger, wat Van den Heever opvolg en aanbly tot inlywing by die moedergemeente.

Anders as al die ander geboue van die NG kerk in die omgewing wat óf aan ander Christelike kerke of Islamitiese instellings verkoop of verhuur word, huisves Mayfair se ou kerkgebou al sedert 1979 die vereniging Blind SA. Die gebou was uniek in dié opsig dat die saal bo-op die kerk was.

Ligging

Die kerkgebou, ontwerp deur die argitekte Leendert Geers, is geleë in Agstelaan in Mayfair.

Enkele leraars

• Zacharias Andreas Neethling (Sakkie) van den Heever, 1953–1969 (eerste leraar)
• Johannes Christiaan Krüger, 19 April 1969–1976 (laaste leraar)