NG gemeente Witpoortjie

Die NG gemeente Witpoortjie is 'n gemeente van die Nederduitse Gereformeerde Kerk in die Sinode Goudland (voorheen Wes-Transvaal).

Die kerkgebou, einde 2017.

Die gemeente is gestig in 1957. Ds. Pieter D.J. de Witt, die gemeente se eerste leraar, het die hoeksteen van die kerkgebou op die hoek van Corlettlaat en Jan van Rooyenstraat op 2 Augustus 1958 gelê. In 1985 was hier 1 190 belydende en 640 dooplidmate, maar in 2017 onderskeidelik 815 en 162. In daardie jaar was die leraar dr. Japie Steyn. In die NG Kerk Jaarboek van 2021 was die syfers 571 en 107.

Sien ook

• Gereformeerde kerk Witpoortjie

Bronne

• Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC - 'n divisie van Bybel-Media.