Gereformeerde kerk Witpoortjie

Die Gereformeerde kerk Witpoortjie is die tweede jongste gemeente van die Gereformeerde Kerke in Suid-Afrika in die Wes-Randse stad Roodepoort.

Gereformeerde Kerk Witpoortjie
Sluit in	Groblerspark Lewisham Luipaardsvlei Mindalore Princess Reefhaven Witpoortjie
Klassis	Wesrand
Huidige predikant(e)	Dirk van't Zand
Belydende lidmate	133
Dooplidmate	9
Adres	Luipaardsvleisentrum vir Bejaardes Hompesstraat Luipaardsvlei
Geskiedenis
Stigtingsdatum	8 Oktober 1972
Afgestig van	Roodepoort
Eerste predikant	G. du Plessis

Die Gereformeerde kerk Witpoortjie. Dis op 2 Augustus 1975 in gebruik geneem, maar in 2016 verkoop.

Ds. Deon du Plessis is in 1973 hier bevestig as die eerste leraar, maar gaan in 1981 oor na Wilropark om dié dogtergemeente se eerste leraar te word. Daar sou hy bly tot sy aftrede in 1997. Hy was van 1958 tot 1966 ook die Gereformeerde kerk Roodepoort, waaruit Witpoortjie afgestig is, se eerste leraar.

Die gemeente het op 8 Oktober 1972 van die Gereformeerde kerk Roodepoort afgestig, wat op sy beurt in 1957 van die Gereformeerde kerk Florida afgestig het, ’n dogtergemeente van Krugersdorp (1898), die oudste Gereformeerde kerk aan die Witwatersrand.

Witpoortjie se kerkraad het onmiddellik begin beplan vir kerkbou. Dienste is eers in die Laerskool Dr. Havinga gehou terwyl die kerkgebou in aanbou was. Dié gebou is opgerig volgens gewysigde planne van die Gereformeerde kerk Alberton-Wes. Lucas van der Schyff het die strukturele planne opgestel en die bouaannemer was ene Wilken. Die verandering aan Alberton-Wes se plan het die aanbou van ’n kerksaal behels. Dié gebou is op 2 Augustus 1975 amptelik ingewy.

Grace Bible Church het die geboue van die Gereformeerde kerk Witpoortjie gekoop asook dié van die destydse Nederduitsch Hervormde Gemeente Witpoortjie, wat in 2012 ontbind het, op die dieselfde straatblok.

Predikante

1. Du Plessis, Gideon, 1973–1981 (waarna eerste leraar van die dogtergemeente, Wilropark, tot hy sy emeritaat aanvaar in 1997)
2. Breed, dr. Douw Gerbrand, 1982–1987
3. Van Rhyn, Hercules Philippus Malan, 1987–1998 (waarna Wilropark 1998–2004)
4. Stoker, dr. Hendrik Gerhardus, 1988–1995
5. Roets, Cornelius Johannes Christiaan, 1996–2004
6. Smit, dr. Johannes, 2005–2007
7. Van 't Zand, Dirk, 2007 – hede

Bronne

• (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
• (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
• (af) Venter, ds. A.A. (hoofred.) 1957. Almanak van die Gereformeerde Kerk in Suid-Afrika vir die jaar 1958. Potchefstroom: Administratiewe Buro.
• (af) Venter, ds. A.A. (hoofred.) 1958. Almanak van die Gereformeerde Kerk in Suid-Afrika vir die jaar 1959. Potchefstroom: Administratiewe Buro.
• (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.

Eksterne skakels

• (af) Die gemeente se Facebook-blad. URL besoek op 2 Desember 2015.