NZASM-gedenkhuis
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die NZASM-gedenkhuis “Mea Vota” in Pretoria huisves die gastehuis van die Tshwane-Universiteit vir Tegnologie.
Hierdie huis is in 1898 gebou vir die NZASM-ingenieur Antonie Westenberg en die NZASM se "Chef van Weg en Werken" C. van der Made. Dit toon duidelike tekens van die Nederlandse argitektuur van die laat 19de eeu. Toe die Tweede Vryheidsoorlog uitbreek, is Van der Made en Westenberg na Europa gedeporteer. In die oorlog is die huis waarskynlik deur Britse amptenare en offisiere beset. Nadat daar verskeie ander eienaars was, koop die Vereniging Dr. Willem H.J. Punt die huis met die idee om dit te restoureer en daarna ‘n museum daarin te vestig wat aandag moet gee aan Kruger se Hollanders se bydrae tot die kultuurlewe in Pretoria tydens die presidentskap van Paul Kruger.
In Oktober 1980 is die huis by Rissikstraat 62 (24° 45′ 17.48″ suid, 28° 11′ 55.59″ oos) tot gedenkwaardigheid verklaar en sedert 1997 huisves dit die gastehuis.
Bibliografie wysig
- www.artefacts.co.za/main/Buildings/bldgframes.php?bldgid=12971
- www.dutchfootsteps.co.za/memorialhousemeavota.html