Nadia Valvekens
Nadia Valvekens (gebore 5 Maart 1982 in Pretoria), is 'n Suid-Afrikaanse aktrise, wat soos haar ma, Cecile, en jonger suster, Natasha, in Centurion grootgeword het. Nadia het aan die Hoërskool Eldoraigne matrikuleer en was reeds op daardie stadium van haar lewe vir 12 jaar betrokke in drama as ʼn buitemuurse aktiwiteit.
| Nadia Valvekens | |
| Geboorte | 5 Maart 1982 Pretoria |
|---|---|
| Nasionaliteit | Suid-Afrika |
| Beroep(e) | Aktrise |
| Internet-rolprentdatabasis-profiel | |
Sy het BA Drama studeer aan TUT (Tshwane-Universiteit vir Tegnologie) in Pretoria. Tydens haar driejaarlange studies was sy by verskeie teaterproduksies betrokke, onder andere Maid in the New South Africa, waar sy die voorreg gehad het om saam met Clive Morris te werk. In 2003 aan die einde van haar studies het sy haar eerste werk as mede-aanbieder van die SABC2-programreeks, Nutsman, gekry.
Daarna het sy 'n klein rol as 'n sekretaresse in die M-Net televisiereeks, Egoli: Plek van Goud, gekry. In 2004 is sy deur Danie Odendaal gekies vir die SABC 2-televisiesepie, 7de Laan, vir die rol Nicole Kannemeyer. Sedert 2005 is Valvekens ook betrokke by ander televisiereekse, soos Scandal, op die E-TV-kanaal.
Film
wysig- The Road, kortfilm (2002)
- Daddy, kortfilm (2002)
- Henley-on-Klip, vertolk die rol Rina Hartmann (2010)
- The Deadline, kortfilm, vertolk die rol van Sarah (2015)
Televisie
wysig- Diepe Waters, vertolk die rol van Sanet (2022)[1]
- Villa Rosa (2005)
- Scandal, vertolk die rol van Britney (2005)
- 7de Laan, vertolk die rol van Nicole Kannemeyer (2004)
- Song vir Katryn, vertolk die rol van 'n sekretaresse (2004)
- Egoli: Plek van Goud, vertolk die rol van Else (2003)
- Nutsman, mede-aanbieder (2003)
- Binnelanders, vertolk die rol van Pippa Venter (2005 – 2018)
- Dryfsand, vertolk die rol van Petra (2005)
- Hotel, vertolk die rol van Nadia (2019)
- Projek Dina, vertolk die rol van Joyce (2020)
- Alles Malan, vertolk die rol Tessa (2019)
- Bottervissie in die Jem, vertolk die rol van Monica (2018)
- My Vasteland, aanbieder van die program, (2011)
Teater
wysig- Aladin, vertolk die rol van Jasmyn (2005)
- Maid In The New South Africa, vertolk die rol van Fransie (2002)
- Binnelanders Buiteweste, 'n produksie gebaseer op die kykNET-televisiereeks, Binnelanders (2007)
- Huishou, vertolk die rol van Dirkie (2018)
- Hartklop, vertolk die rol van Jessica (2017)
Toekennings
wysig- ATKV-mediaveertjie nominasie: Beste Aktrise in 'n sepie (2011)
- ATKV-mediaveertjie toekenning: Beste Aktrise in 'n sepie (2012)
- Huisgenoot-Tempo nominasie: Beste Aktrise in 'n sepie (2014)
- Huisgenoot-Tempo nominasie: Beste Aktrise in 'n sepie (2015)
- Huisgenoot-Tempo nominasie: Beste Aktrise in 'n sepie (2016)
- Tswane Universiteit van Tegnologie-toekenning: Beste Ondersteunende Aktrise vir haar rol in Maid In The New South Africa (2003)
- Tswane Universiteit van Tegnologie-toekenning: Beste Aktrise, vir haar rol in The Road: Daddy en Dadday (2003)