Jomo Kenyatta Internasionale Lughawe
Jomo Kenyatta Internasionale Lughawe (IATA: NBO, ICAO: HKJK) is die internasionale lughawe in Nairobi, die hoofstad en grootste stad van Kenia.
| Jomo Kenyatta Internasionale Lughawe | |||
|---|---|---|---|
.jpg)
| |||
| Tuine rondom die terminaal waar daar in 2013 'n brand uitgebreek het. | |||
| IATA: NBO – ICAO: HKJK | |||
| Opsomming | |||
| Tipe lughawe | Siviel en militêr | ||
| Operateur | Kenya Airports Authority | ||
| Bedien | Nairobi | ||
| Ligging | Nairobi, Kenia | ||
| Spil vir | Fly540 Kenya Airways | ||
| Hoogte bo seevlak | 5 327 vt / 1 624 m | ||
| Webtuiste | |||
| Landkaart | |||
  NBO | |||
| Aanloopbane | |||
| Rigting | Lengte | Oppervlak | |
| vt | m | ||
| 06/24 | 13 507 | 4 117 | Teer |
| Statistieke (2020) | |||
| Passasiers | 984 769 | ||
| Lugbewegings | 2 000 | ||
| (Covid-19) | |||
Dit is in die voorstad Embakasi geleë, 15 km (9 myl) suidoos van Nairobi se sentrale sakegebied. Die lughawe hanteer vlugte na geskeduleerde bestemmings in meer as 50 lande.[1] Die lughawe is vernoem na Jomo Kenyatta, Kenia se eerste president en eerste minister.
Die lughawe het meer as 7 miljoen passasiers in 2016 bedien,[2] wat dit die sewende besigste lughawe volgens passasiersverkeer in Afrika maak.[3] Die lughawe is die spilpunt vir die vlagdraer, Kenya Airways asook die laekosteredery Fly540.
Geskiedenis sedert 2000
wysigOp 10 Junie 2008 is die Kenya Vision 2030 deur president Mwai Kibaki bekendgestel. Volgens hierdie visie moes JKIA se verouderende infrastruktuur opgegradeer word na wêreldklasstandaarde. Nuwe terminale en aanloopbaan-opgraderings sou in fases bygevoeg word. Die Afrika-ontwikkelingsbank het 'n omgewingsimpak-evaluering uitgevoer vir die ontwikkeling van Fase 1 van die voorgestelde Green Field Terminal (GFT) wat na verwagting die kapasiteit van JKIA tot ongeveer 18,5 miljoen passasiers jaarliks teen die jaar 2030 sou verhoog. Die Greenfield Terminal-projek sou die konstruksie van 'n viervlak-terminaalgebou insluit wat bestaan uit 'n sentrale verwerkingsarea, 'n transitohotel, kleinhandelsentrums, asook 'n aankoms- en vertrekplein. Bykomende fasiliteite is 'n toegangspad, motorparkeerplek, toegangsrybane, gronddienstoerusting en busparkeerareas.
In Februarie 2017 is die lughawe 'n Kategorie Een-status deur die Federale Lugvaartadministrasie (FAA) van die Verenigde State toegeken, wat dus moontlike direkte vlugte tussen die VSA en Nairobi moontlik maak. Vyf ander Afrika-lande het direkte vlugte na die VSA (Suid-Afrika, Ethiopië, Egipte, Marokko en Kabo Verde).[4][5]
Brand in 2013
wysig
Op 7 Augustus 2013 het 'n brand wat in die immigrasiegebied ontstaan het, groot skade aan die lughawe aangerig en dit gedwing om bedrywighede tydelik op te skort. Eenheid 3, gewoonlik gewy aan binnelandse bedrywighede, is tydelik vir internasionale verkeer gebruik.[6] Die ergste brand in die lughawe se geskiedenis het plaasgevind op die vyftiende herdenking van die 1998 Amerikaanse ambassade-bomaanvalle in Nairobi en Dar-es-Salaam, maar geen verband was onmiddellik duidelik nie en geen terroristegroep het verantwoordelikheid aanvaar nie. Die oorsaak was glo nie opsetlik nie, aangesien geen ploftoestelle tydens die ondersoek ontdek is nie.[7][8]
Volgens Keniaanse amptenare is brandbestrydingspogings belemmer deur van die eerste reageerders wat verkies het om die lughawe te plunder in plaas daarvan om die brand te bestry.[9] Internasionale aankomelinge is per bus na 'n tydelike fasiliteit gebring wat op die grondvloer van die nuwe parkade opgerig is totdat die beskadigde gebiede herbou is. In Junie 2015 het 'n nuwe, ten volle funksionele tydelike terminaalgebou in werking getree. Hierdie terminaalgebou is beplan vir 'n ontwerpleeftyd van 10 jaar, tot voltooiing van die beplande nuwe permanente fasiliteit. [10]
Fasiliteite
wysigTerminale
wysig
Daar is twee terminale. Terminaal 1 is in 'n halfsirkelvormige oriëntasie gerangskik en word in vier dele verdeel: 1A, 1B, 1C en 1E word gebruik vir internasionale aankomste en vertrekke terwyl terminale 1D vir binnelandse vertrek- en aankomste gebruik word.[11] Die oorspronklike terminaal, geleë aan die noordekant van die aanloopbaan, word deur die Kenia-lugmag gebruik en word soms na verwys as Ou Embakasi-lughawe.[12]
Syfers van KAA dui aan dat die lughawe se terminaal 1-A 'n kapasiteit van 2,5 miljoen passasiers het.[13] Die Keniaanse regering hoop op meer as 25 miljoen passasiers jaarliks teen 2025 vir die beoogde uitbreiding van JKIA se terminale.[12] In 2016 was JKIA verantwoordelik vir meer as 70 persent van die algehele passasiersverkeer in die land. Dit het ook meer as 7 miljoen passasiers daardeur gehad. Binnelandse reisigers deur die Jomo Kenyatta Internasionale Lughawe (JKIA) het 40% van die totale passasiers in 2016 uitgemaak. Dit is 'n toename van 32% sedert vyf jaar tevore (2012).[14]
- Terminaal 2
Terminaal 2 bedien hoofsaaklik laekosterederye. Die voorafvervaardigde terminaal het in April 2015 geopen met 'n kapasiteit van 2,5 miljoen passasiers per jaar – oorspronklik bedoel om oorbevolking te verlig. Terminaal 2 huisves internasionale en binnelandse inweegtoonbanke en instaphekke. Huidige sitkamers by Terminaal 2 sluit die "Mara Lounge" en "Mount Kenya Lounge" in - beide aan die lugkant (Vlak 1) en is 24 uur per dag oop.
Tweede aanloopbaan
wysigIn Januarie 2017 is 'n nuwe instrumentlandingstelsel-toegeruste aanloopbaan van 5 500 meter in lengte goedgekeur vir konstruksie teen 'n koste van KES 37 miljard sjielings (ongeveer VS$370 miljoen).[15] Volgens KAA se besturende direkteur, John Anderson, sou die bou van die nuwe aanloopbaan (wat groter as die bestaande een sal wees) in 2017 begin. Dit sal ook vliegtuigbeweging van 25 tot 45 per uur verdubbel. Die nuwe aanloopbaan sal 'n kategorie 2 aanloopbaan wees en sal die ouer aanloopbaan aanvul wat in die 1970's gebou is.
Die voorgestelde ontwerp van die projek is 'n 4,8 km lange en 75 meter breë aanloopbaan. Die huidige aanloopbaan is 60 meter breed en 4,2 kilometer lank. Dit is 'n ICAO-kode F wat die nuwe generasie wyerompvliegtuie soos die Airbus A380 en die Boeing 747-8 sal kan hanteer. Die nuwe aanloopbaan sal misligte hê, waar die huidige aanloopbaan net aan die kante verlig is. Die aanloopbaan sal ook langafstandvlugte na bestemmings soos die stad New York moontlik maak met tot 32 ton passasiers en vrag.[16] Teen 2023 blyk dit egter nie asof die bou van hierdie nuwe aanloopbaan 'n aanvang geneem het nie.
Sitkamers
wysigIn Januarie 2015 is The Simba Lounge en Pride Lounge wat op die tweede verdieping van Terminaal 1A geleë is, geopen.[17] Die twee fasiliteite, met 'n gesamentlike kapasiteit van 350 gaste, is ontwikkel teen 'n koste van KES 135 miljoen (VS$1,35 miljoen), en is vir die gebruik van KQ se Premier World en SkyTeam se Sky Priority-passasiers. Daar is ook 'n Turkish Airlines TAV Lounge (T1B), sowel as die Swissport Aspire Lounge (T1C). Albei is gereelde sitkamers, wat verkry kan word deur elite-status of 'n betaalde pas.
Landvervoer
wysigDie hoofingang na Jomo Kenyatta Internasionale Lughawe is op Airport South Road, waartoe toegang verkry kan word deur 'n afrit vanaf die A109-hoofweg (Mombasaweg). Daar is ook die nuwe 2022-snelweg wat reisigers met die lughawe verbind met geen verkeer van die stad af nie.
Passasiers kan ook na en van die lughawe reis via stadsbusroete nommer 34. Op 7 Desember 2020 het 'n spoorverbinding na sentraal Nairobi in werking getree. [18]
Verwysings
wysig- ↑ "Jomo Kenyatta, Nairobi (NBO) flight index". Geargiveer vanaf die oorspronklike op 14 Augustus 2011. Besoek op 7 Augustus 2013.
- ↑ "JKIA passenger numbers hit record high". Geargiveer vanaf die oorspronklike op 14 Maart 2017. Besoek op 5 Mei 2017.
- ↑ "AfroVisual Data "Africa's Top 10 Busiest Airports in 2016"". Besoek op 5 Mei 2017.
- ↑ Heita, Desie (22 Mei 2017). "Air Namibia granted right to fly into US". New Era. Geargiveer vanaf die oorspronklike op 22 Mei 2017. Besoek op 30 Mei 2017.
- ↑ "JKIA achieves Category One Status". Geargiveer vanaf die oorspronklike op 3 Mei 2017. Besoek op 6 Mei 2017.
- ↑ ""Kenya scrambles to limit economic fallout from massive airport fire", Los Angeles Times, reported by Nicholas Soi and Robyn Dixon, 7 August 2013". Los Angeles Times. 7 Augustus 2013. Geargiveer vanaf die oorspronklike op 8 Augustus 2013. Besoek op 7 Augustus 2013.
- ↑ ""President Uhuru Kenyatta dismisses any acts of terrorism in Jomo Kenyatta International Airport fire," Standard Media, reported by PSCU, 9 August 2013". Geargiveer vanaf die oorspronklike op 16 April 2015. Besoek op 7 April 2015.
- ↑ ""Fire guts Kenya's main airport, chokes regional gateway", Reuters, reported by Drazen Jorgic, 7 August 2013". Reuters. 7 Augustus 2013. Geargiveer vanaf die oorspronklike op 24 September 2015. Besoek op 1 Julie 2017.
- ↑ "First responders looted Nairobi airport banks, shops while building burned", Associated Press, reported by Jason Straziuso and Tom Odula, published in The Globe and Mail, 8 August 2013
- ↑ ""Nairobi Airport Terminal Building", Röder HTS Höcker, accessed 17 September 2015". Geargiveer vanaf die oorspronklike op 22 Desember 2015. Besoek op 17 September 2015.
- ↑ "Facts and Figures – Nairobi", Kenya Airports Authority, 9 December 2012 Geargiveer 6 Januarie 2014 op Wayback Machine
- ↑ 12,0 12,1 "JKIA Terminal expansion targets 25m Passengers". Geargiveer vanaf die oorspronklike op 16 Desember 2016. Besoek op 5 Mei 2017.
- ↑ "JKIA's Terminal IA Arrivals Terminal to Commence Operations". 26 April 2016. Geargiveer vanaf die oorspronklike op 11 Desember 2018. Besoek op 30 Mei 2017.
- ↑ "Passenger numbers hit record high". Geargiveer vanaf die oorspronklike op 14 Maart 2017. Besoek op 5 Mei 2017.
- ↑ "New runway for Jomo Kenyatta International Airport after decades of waiting". www.constructionkenya.com. 30 Januarie 2017. Geargiveer vanaf die oorspronklike op 17 Mei 2017. Besoek op 30 Mei 2017.
- ↑ "JKIA New Runway". 30 Januarie 2017. Geargiveer vanaf die oorspronklike op 17 Mei 2017. Besoek op 5 Mei 2017.
- ↑ "Simba Lounge Terminal 1A | Kenya Airways Ground Handling Services". groundhandling.kenya-airways.com. Geargiveer vanaf die oorspronklike op 24 Junie 2023. Besoek op 24 Junie 2023.
- ↑ Otieno, Bonface (7 Desember 2020). "Kenya Railways unveils Sh500 JKIA service". Business Daily (in Engels). Besoek op 21 Augustus 2023.