Namakwa-dwergverkleurmannetjie
Die Namakwa-dwergverkleurmannetjie of die westelike dwergverkleurmannetjie (Bradypodion occidentale ) kom in strandplantegroei voor langs die weskus van Suid-Afrika en Namibië.
| Namakwa-dwergverkleurmannetjie | |
|---|---|
| |
| 'n Mannetjie | |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Reptilia |
| Orde: | Squamata |
| Suborde: | Iguania |
| Familie: | Chamaeleonidae |
| Genus: | Bradypodion |
| Spesie: | B. occidentale
|
| Binomiale naam | |
| Bradypodion occidentale (Hewitt, 1935)
| |
| |
| Verspreidings-kaart | |
Beskrywing wysig
Die Namakwa is relatief groot vir 'n dwergverkleurmannetjie, wat tot 16 cm lank word. Dit het ook 'n relatief stewige bouvorm en die kortste stert van sy genus. Dit het verskeie kenmerkende groewe onder sy ken, wat van sy mond tot bo-op sy bors loop. Sy kleur is 'n dowwe, gevlekte bruingrys.
Natuurlike verspreiding wysig
Hierdie spesie kom langs die kusstreke van die verre weste van Suid-Afrika voor. Dit word gevind in 'n gordel vanaf Melkbosstrand (naby Kaapstad) in die suide, tot by Lüderitz in Namibië.
In hierdie verspreidingarea verkies dit die Strandveld -plantegroei aan die kus en word selde verder in die binneland aangetref. In die suide, naby Kaapstad, oorvleuel sy gebied effens met die van die Kaapse dwergverkleurmannetjie, maar hul verkies verskillende habitatte. Hulle kan ook maklik onderskei word, aangesien die Kaapse dwergverkleurmannetjie veel helderder kleure het, met 'n ligter bouvorm, langer stert en 'n stomper neus.
In die omgewing van menslike bewoning kan hulle die slagoffer van huiskatte word. Hulle word ook bedreig deur habitatverlies, aangesien kusplantegroei toenemend vir menslike ontwikkeling ontwrig word.
Verwysings wysig
- ↑ Tolley, K. (2018). Bradypodion occidentale. Vol. 2018. p. e.T42683369A115667974. doi:10.2305/IUCN.UK.2018-2.RLTS.T42683369A115667974.en.
Bronne wysig
- Tolley, K. and Burger, M. (2007). Chameleons of Southern Africa. ISBN 978-1-77007-375-3.
