Nasionale Aksie
Die Nasionale Aksie (Engels: National Action) was 'n kortstondige Suid-Afrikaanse politieke party. Die party is gestig deur Cassie Aucamp toe hy die Afrikaner-Eenheidsbeweging (AEB) in die 2003 verlaat het. Die AEB, saam met ander Afrikaner partye, het op die punt gestaan saam te smelt met die Vryheidsfront, om so gesamentlik deel te neem aan die 2004-verkiesing. Die Nasionale Aksie, wat volgens homself Afrikaner-belange sou ondersteun, het 'n aparte party gebly.
Die party het meegeding in die 2004-verkiesing, maar het geen setels in die Nasionale Vergadering van Suid-Afrika of enige van die provinsiale wetgewers gewen nie.[1] Die party het 15,804 stemme gekry. Dit was 0,1% van die totale aantal stemme.
Die party het nie deelgeneem aan die algemene verkiesings in 2009 nie.